Presidenti amerikan Joe Biden do të shpallë një plan të ri që do të mbronte qindra mijëra bashkëshortë pa dokumente të qytetarëve amerikanë nga dëbimi, sipas zyrtarëve të administratës.

Aksioni do të zbatohet për ata që kanë qenë në vend për të paktën 10 vjet dhe do t’i lejojë ata të punojnë në SHBA ligjërisht.

Shtëpia e Bardhë beson se më shumë se 500,000 bashkëshortë të qytetarëve amerikanë do të përfitojnë, përveç 50 mijë të rinjve nën 21 vjeç, prindi i të cilëve është i martuar me një shtetas amerikan.

Më herët në qershor, Biden u zotua se do ta bënte sistemin e emigracionit në SHBA “më të drejtë”.

Sondazhet tregojnë se imigracioni është një shqetësim kryesor për shumë votues përpara zgjedhjeve presidenciale të këtij nëntori.

Njoftimi vjen përpara një ngjarjeje të martën që shënon 12-vjetorin e programit Daca, i cili mbrojti mbi 530 mijë emigrantë që erdhën në SHBA si fëmijë – të njohur si ëndërrimtarët – nga dëbimi.

Të hënën, zyrtarë të lartë të administratës thanë se bashkëshortët pa dokumente të qytetarëve amerikanë do të kualifikoheshin nëse do të kishin jetuar në vend për 10 vjet dhe do të ishin martuar që nga 17 qershori.

Ata që kualifikohen do të kenë tre vjet kohë për të aplikuar për qëndrim të përhershëm dhe do të kenë të drejtë për një leje pune trevjeçare.

Mesatarisht, Shtëpia e Bardhë beson se ata që kualifikohen për këtë proces kanë qenë në SHBA për 23 vjet.