Kryetari i grupit Parlamentar të Partisë Socialiste, Taulant Balla, gjatë zhvillimit të seancës plenare te 23 qershorit e cilësoi kreun demokrat Sali Berisha si bashkëpunëtor të ish-presidentit serb Sllobodan Millosheviçit.
Kjo deklaratë e Ballës erdhi për faktin se më 7 korrik Berisha ka bërë thirrje për protesta, ndërsa kjo datë shënjon edhe gjenocidin serb në Srebrenicë.
Për shkak të kësaj të fundit në Kuvendin e Shqipërisë është parashikuar të miratohet një rezolutë kundër këtij gjenocidi.
“Kur në të mblidhemi këtu më 7 korrik për të kujtuar viktimat e Srebrenicës, zotëria – drejtuar Berishës – thërret protesta”, u shpreh Balla.
Masakra e Srebrenicës
Më 11 korrik të vitit 1995 forcat nga Republika Srpska e shkëputur nga Bosnja dhe aleatët paraushtarakë vranë më shumë se 8 mijë burra dhe djem kryesisht myslimanë në qytetin e Srebrenicës.
Gjykata Penale Ndërkombëtare për ish-Jugosllavinë (ICTY) kaloi vite duke hetuar masakrën.
ICTY zbuloi se forcat serbe të Bosnjës filluan planifikimin e gjenocidit gjatë fazës përfundimtare të Luftës tre-vjeçare të Bosnjës, në mars 1995.
Objektivi i forcave serbe të Bosnjës ishte kapja e Srebrenicës. Kjo e fundit ishte shpallur pjesë e një zone të sigurt të OKB-së në 1993-in.
Kur sulmuesit pushtuan Srebrenicën më 11 korrik dhe morën paqeruajtësit peng, rreth 25 mijë boshnjakë u larguan në periferi të qytetit.
Një ditë më vonë, filluan t’i sulmojnë, përdhunojnë dhe t’i vrasin ata.
Më 12 dhe 13 korrik, vajza, gra dhe refugjatë të moshuar u ngarkuan në autobusë dhe u drejtuan për në rajonet nën kontrollin e boshnjakëve.
Pasi vranë më shumë se 8 mijë njerëz nga 13 deri më 17 korrik, sulmuesit hodhën trupat e tyre në varre masive.
Pas masakrës, ushtarët serbë të Bosnjës rihapën varret masive me makineri të rënda dhe zhvendosën mbetjet njerëzore në varret dytësore dhe terciare.
Qëllimi i tyre ishte të fshihnin krimet e tyre. Patologëve iu është dashur të marrin dhe copëtojnë mbetjet njerëzore nga zona të ndryshme.
Dënimi i Radko Mladiç
Të mbijetuarit e masakrës së Srebrenicës u mblodhën në qytetin fatkeq boshnjak për të parë vendimin që u dha për ish-komandantit serb Radko Mladic, mbi akuzat për krime lufte.
Deri sot, ekspertët kanë identifikuar 6 mijë viktima të masakrës. Pjesa e mbetur pritet të identifikohen, në mënyrë që të varrosen në varrezat memorialë të Srebrenicës.
Mlladiç, është dënuar me burgim të përjetshëm nga Tribunali i Hagës për gjenocid, krime lufte dhe krime kundër njerëzimit kundër popullatës jo serbe në luftën e Bosnjës.
Ai ka humbur apelin e bërë kundër dënimit të vitit 2017 për gjenocid dhe krime kundër njerëzimit.
Gjykata ka mbajtur vendimin me burgim të përjetshëm për rolin e tij në vrasjen e rreth 8 mijë burrave dhe djemve boshnjakë në Srebrenicë në vitin 1995.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Konstituohet grupi i dialogut mes mazhorancës e opozitës – Basha jashtë
-
Beqaj refuzon pagesën, “ngujohet” në SPAK që të lexojë aktet e dosjes
-
Budanov, një jetë të tërë i kërkuar – ka filluar gjuetia ndaj kreut të spiuneve të Kievit
-
“Nuk është në rregull për besë” – Konjufca “nervozohet” me deputetët zhurmëtarë të LVV-së