Ish-lideri demokrat, Sali Berisha, u bëri thirrje nga Shkodra mbështetësve të kryetarit të Partisë Demokratike, Lulzim Basha që të heqin dorë nga kryedemokrati.
Këta të fundit, për Berishën, do të dështojnë sepse e ardhmja është “e burrave dhe grave që luftojnë për dinjitetin njerëzor dhe kombëtar”.
“Vetëm revolucioni i mbështetësve të Partisë Demokratike mund ta çojë këtë lëvizje drejt fitores”, vijoi ai.
Berisha gjendej në takim i shoqëruar nga anëtarët e Komisionit të Përkohshëm të Rithemelimit.
Të shumtë ishin mbështetësit që kishin mbushur ambientet e Pallatit të Sportit në Shkodër.
Fillimisht, ish-kryeministri ndali fjalën e tij për të nderuar largimin nga jeta të legjendës së futbollit të Shkodrës, Ramazan Rragami, me një minutë heshtje.
Në vijim, Berisha u ndal gjatë te raporti i qytetit verior me lirinë dhe “frymëzimet”, sipas tij, “për kombin”.
“Ju keni raport korrekt me të vërtetën”, ishte adresimi i ish-liderit demokrat para mbështetësve të tij.
Teksa u ndal për të kujtuar gjendjen e PD-së sot, për Berishën, e gjitha kjo bëhet vetëm për lirinë.
Një thirrje, ish-lideri demokrat, e ruajti edhe për shqiptarët në Diasporë.
Sipas tij, duhet edhe mbështetja e tyre për të zhbërë “paktin Rama-Basha”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Begaj përshëndet vendimin e Asamblesë Parlamentare të KiE-së për Kosovën: Pritet hapi final për të festuar
-
Këshilli i Lartë i Prokurorisë dënon deklaratat e Metës për Dumanin
-
Hasani uron Kosovën pas rekomandimit të Asamblesë Parlamentare të KiE-së pro anëtarësimit të saj
-
Nisin largimet në PL, dorëhiqet si nënkryetar Endrit Braimllari
