Ish-ambasadori i Kosovës në Slloveni si dhe ish zëvendësministri i Punëve të Jashtme, Anton Berisha, ka kritikuar deklaratat e kryeministrit të Kosovës, Albin Kurti, gjatë takimit që mbajti me Sekretaren e Jashtme britanike, Liz Truss.
Berisha, përmes një shkrimi në rrjetin social ‘Facebook’, konsideron se Kosova nuk duhet të paraqitet si histori suksesi.
“Përderisa ai është duke bredhur në dynja prej katedre në katedër, që vendin e vet, të cilin nga pozita e opozitarit e paraqiste të shkatërruar për 20 vjet, e nga pozita e qeveritarit e ligjëron si storie suksesi, vartësit e tij në Kosovë janë duke bërë kërdinë në buxhetin e Kosovës ndërsa ritmi i rritjes së çmimeve është i bërë tmerri i qytetarit Kosovar”.
Ndër të tjera pohoi se Kurti si kryeministër po luan rolin e një ligjëruesi dhe kryeministri me peshë globale.
“Ky djalë, që nuk ka lënë gurë pa lëvizur dhe nuk ka lënë kënd pa gjuajtur me gurë, për të ardhur në pushtet, tash nga pozita e kryeministrit refuzon deri në sabotim për t’u marrë me qeverisjen e vendit të vet në përmasat dhe me problemet reale të saj, e që janë të shumta, dhe në virtualitetin e qeverisjes dhe gjendjes si pjellë e imagjinatës së tij luan rolin e një ligjëruesi dhe kryeministri me peshë globale”.
Ai është shprehur se kreu i ekzekutivit është duke sjell vetëm dëme ndaj Kosovës.
“E përkthyer në realitet, ai Kosovën është duke e dëmtuar për çdo ditë përderisa vetes është duke ia plotësuar, siç e tha një deputet i tij, ëndrrat e dëshirat personale hiç më pak se nga pozita e kryeministrit”.
Kryeministri i Kosovës, Albin Kurti, në fjalimin e tij në Oksford Union në Britani të Madhe e ka quajtur Kosovën histori suksesi.
“Ishte një nder që pata mundësinë të flisja në OxfordUnion për Republikën tonë të re, origjinën, rrugëtimin dhe fatin e saj. Sot Kosova është një histori suksesi, një fitore e demokracisë dhe një perspektivë premtuese për socialdemokracinë”, ka shkruar Kurti në Twitter.
Pleasure to meet with Foreign Secretary @trussliz. Agreed on the necessity to take additional actions against Russia’s illegal invasion of Ukraine and to challenge malign influence in the WB region. We will work together to enhance our bilateral cooperation. pic.twitter.com/I77rg3OdZ9
— Albin Kurti (@albinkurti) June 7, 2022
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pentagoni, 1 miliard dollarë ndihmë të re ushtarake për Ukrainën
-
Ra në kontakt me energjinë elektrike, humb jetën 45-vjeçari në Ishull-Lezhë
-
Abdixhiku konfirmon se do të jetë kandidat i LDK-së për kryeministër: Do të matem me Kurtin
-
Kryeministri australian e quan Musk ‘një miliarder arrogant që mendon se është mbi ligjin’
Lajmet kryesore
-
Macron, Kurtit: Franca do progres të shpejtë në çështjen e Asociacionit sidomos në kontekstin e Këshillit të Evropës
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
-
Pentagoni, 1 miliard dollarë ndihmë të re ushtarake për Ukrainën
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë