Drejtori i të ashtuquajturës Zyra për Kosovën në Qeverinë e Serbisë, Petar Petkoviq, ka thënë se Beogradi do të vazhdojë në insistimin e mbajtjes së dialogut me Prishtinën, sepse e sheh si mënyrën e vetme të një zgjidhje paqësore të çështjeve të hapura, porse parakusht do të jetë implementimi i të gjitha marrëveshjeve të arritura deri më tani.
Petkoviq deklarimet e tij i ka bërë me anë të një komunikate për media pas një takimi me ambasadorin e Qipros në Serbi, Dimitrios Tefilaktum, të cilit i ka thënë se “serbët në Kosovë po kanë vështirësi”.
Ai i është referuar edhe disa sulmeve fizike të ndodhura në pjesën Veriore të Mitrovicës – për të cilat ende nuk ka versione zyrtare se nga kush dhe për çfarë motive janë shkaktuar.
Ka përmendur edhe Manastirin e Deçanit, kinse si një monument i rrezikuar.
“Gjithashtu është rritur retorika anti-serbe në Prishtinë dhe thirrjet për bashkimin me Shqipërinë dhe këto paraqesin një kërcënim real”, thuhet në deklaratë.
Nga marrëveshjet e arritura mes Kosovës e Serbisë në dialogun e Brukselit për mos funksionalizimin e tyre pengesë kryesisht ka qenë Serbia – siç është ajo për njohjen e diplomave të të dyja vendeve dhe marrëveshjeve të tjera.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nënkryetarja e PE-së: BE-ja vendosi sanksione të njëanshme ndaj Kosovës, dërgoi sinjale kontradiktore
-
Fjalët e paqarta të Putin për F-16: Do të jenë një objektiv legjitim kudo që të jenë
-
Gjeloshaj për votën e Vukiçeviç-it kundër pranimit të Kosovës në KiE: Mandati parlamentar është i pavarur, qëndrimi i Qeverisë është i qartë
-
Sejko: Shqipëria me ecurinë më të mirë të kreditimit në rajon
Lajmet kryesore
-
Hapat – në detaje – drejt anëtarësimit të Kosovës në Këshillin e Evropës
-
700 fashikuj për koncesionin e sterilizimit, Beqaj ‘ngujohet’ 7 orë në SPAK: Lexova 15, dua të pyetem sërish
-
Fjalët e paqarta të Putin për F-16: Do të jenë një objektiv legjitim kudo që të jenë
-
Sejko: Shqipëria me ecurinë më të mirë të kreditimit në rajon