Benjamin Carpenter, banor i Knoxville-s (Tenesi), e kanë akuzuar se ka përkthyer në anglisht shkrime të propagandës të Shtetit Islamik të Irakut dhe al-Sham-it (ISIS), një grup terrorist.
Një juri e madhe federale e ka paditur 31-vjeçarin për të ashtuquajturën Botimet Ahlut-Tawhid, e cila ishte një organizatë ndërkombëtare që përkthente dhe botonte materiale të ISIS-it dhe pro-ISIS.
Pala akuzuese pretendon gjithashtu se ai ka ndarë disa materiale të përkthyera me një agjent të infiltruar të FBI-së, për të cilin Carpenter besonte se ishte i lidhur me ISIS-in.
Më 24 mars të këtij viti, autoritetet e arrestuan Benjamin-in. Ai u përball me një seancë paraburgimi të hënën e 5 prillit.
Gjyqi i tij fillon më 1 qershor, sipas Departamentit të Drejtësisë. Nëse shpallet fajtor, mund të përballet me 20 vite burg.
Propaganda online e ISIS-it e ka ndihmuar grupin për të shpjeguar ideologjinë, strategjinë e tij, duke frymëzuar të tjerët t’i bashkohen.
Mesazhet e tij në internet e pozicionuan atë si krijues i një kalifati islamik utopik.
Sidoqoftë, sulmet e vazhdueshme ndaj grupit nga forcat amerikane dhe aleatët e kanë zvogëluar biznesin e tij propagandistik.
Në kulmin e saj në gushtin e 2015-s, pikat zyrtare të propagandës së ISIS-it lëshuan mbi 700 artikuj brenda muajit.
Deri në gushtin e 2016-s, ky numër kishte rënë në më pak se 200 artikuj në muaj.
Sidoqoftë, grupi vazhdon ende të tërheqë ndjekësit e lindur në SHBA.
Javën e kaluar, FBI-ja arrestoi James Bradley për mbështetjen e ISIS-it, me qëllimin për t’iu bashkuar.
Bradley dhe gruaja e tij, Arwa Muthana, dyshohet se donin të kryenin një sulm terrorist, tek i cili do të përfshinin kadetë ushtarakë në tokën e SHBA-ve, nëse nuk do mund të bashkoheshin me grupin në Lindjen e Mesme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
