Përfaqësuesi i Lartë i Bashkimit Evropian (BE), Josep Borrell, të hënën e 3 majit ka deklaruar se BE-ja ka hequr dorë nga planet për të dërguar vëzhgues në zgjedhjet parlamentare në Etiopi muajin tjetër, pasi kushtet nuk ishin përmbushur për sistemet e komunikimit dhe pavarësinë e misionit.
Duke njoftuar vendimin të hënën vonë, Borrell shtoi se blloku i 27 vendeve nuk do të monitorojnë përgatitjet për zgjedhjet e 5 qershorit.
Duke përfshirë kështu dhe regjistrimin e votuesve.
“BE-ja pendohet për refuzimin e përmbushjes së kërkesave standarde për vendosjen e çdo Misioni Vëzhgues Zgjedhor. Përkatësisht pavarësinë e Misionit dhe importimin e sistemeve të komunikimit”, tha Borrell.
“Është zhgënjyese që BE-ja nuk ka marrë sigurimet e nevojshme për t’i dhënë popullit etiopian një nga shenjat e tij më të dukshme të mbështetjes për zhvillimin e demokracisë”.
Zëdhënësi i Ministrisë së Jashtme të Etiopisë, Dina Mufti, tha se pika kryesore e ndalimit ishte mbi sistemet e komunikimit.
“Së pari, ata thanë se do të vijnë me pajisje komunikimi V-SAT, që janë jashtë sistemit të teknologjisë së komunikimit të Etiopisë”, tha Mufti.
Mufti shtoi se Etiopia ka zhvilluar gjashtë zgjedhje deri më tani.
“Kurrë nuk kemi pasur një pretendim të tillë nga vëzhguesit. Çdo zonë zgjedhore është e arritshme nga sistemi Kombëtar i Telekomunikacionit. Prandaj, ata mund ta përdorin atë”.
Etiopia, një vend me 110 milionë banorë, ka një nga tregjet e fundit të mbyllura në botë të telekomunikacioneve.
Por, për këtë të fundit, ka filluar procesin e liberalizimit.
Etiopia i kishte planifikuar të mbante zgjedhjet në gusht të vitit 2020. Zgjedhjet u shtynë për shkak të pandemisë Covid-19.
Që nga ajo kohë, ka pasur një konflikt në rajonin verior të Tigray-it, i cili nuk do të marrë pjesë në votim dhe në zona të tjera.
Kryeministri Abiy Ahmed dhe partia e tij përballen me sfida nga partitë gjithnjë e më të ashpra me bazë etnike që kërkojnë më shumë pushtet për rajonet e tyre.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Policia shpall në kërkim xhudistin Akil Gjakova, i dyshuar për dhunë në familje
-
Përvjetori i Shkëlzenit dhe bashkëluftëtarëve të tij, Haradinaj: Jetën ia falën lirisë, që të jetojë i lirë shqiptari
-
9 raketat iraniane që “shpuan” supermburojën: Ja pse Izraeli i frikësohet kërcënimit nga Teherani
-
Basha takon kryeparlamentarin ukrainas: Rusia të mbahet përgjegjëse për krimet dhe dëmet e shkaktuara
Lajmet kryesore
-
Dumani hedh poshtë deklaratat e Ilir Metës: Nuk e kam takuar kurrë McGonigal
-
“Disponimi në favor të Kosovës, por s’duhet të merret e mirëqenë” – Knaus dhe Vogel flasin për votimin në Këshillin e Evropës
-
Jeremy Bowen: Sulmi i Iranit ndaj Izraelit i ofron Netanyahut një litar shpëtimi
-
Vrasja e grave, e mërkura ditë zie në Kosovë
