“AstraZeneca duhet të kapë ritmin për mbajtjen e premtimit mbi dozat kundër Covid-19 për Evropën, përpara se të nisë vaksinat në vende të tjera”.
Kështu ka thënë Presidentja e Komisionit Evropian, Ursula von der Leyen, pas një samiti ku u diskutua shpërndarja e vaksinave.
Nga ana tjetër, presidenti francez, Emmanuel Macron, tha për reporterët se “naivitetit të Evropës i ka ardhur fundi”.
Vendet e unionit kanë akuzuar drejtpërdrejtë kompaninë britanike për ngërçin në shpërndarjen e vaksinave. AstraZeneca gjithsesi, nuk e ka pranuar këtë kritikë, duke pohuar se kontratat e premtuara janë mbajtur.
“Mendoj se është e qartë që kompania duhet të përshpejtojë ritmit”, vijoi von der Leyen. “Përpara se të shpërndajnë për vendet e tjera, duhet të plotësojnë porositë evropiane”.
BE-ja është kritikuar shpesh nga Britania e Madhe dhe Organizata Botërore e Shëndetësisë për një të ashtuquajtur “nacionalizëm vaksinash”. Kjo, pas vendosjes së kontrollit mbi eksportet e vaksinave.
Boris Johnson ka thënë më parë se këto “bllokada” janë “të pandjeshme”. Përtej këtij fakti, bllokimi i AstraZenecas me dozat e saj në disa vende, mund të çonte në pezullimin e vaksinave të Pfizer-it në Belgjikë.
Por, Leyen, i mëshoi faktit se “Evropa është rajoni që eksporton më shumë vaksina në botë”.
Vaksinimi me AstraZeneca u pezullua në disa vende evropiane pas problemeve që u shfaqën tek disa pacientë. Shumica e këtyre vendeve gjithsesi, e kanë rinisur vaksinimin me dozat britanike. Danimarka ndërkohë, mbetet ende në pritje të testimeve të tjera.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
Këshilli Bashkiak i Himarës cakton pasuesin e Jorgo Goros
-
Rusia e vendos Evropën në një udhëkryq: Sa do të kushtonte riarmatimi?
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë