Ndeshjet e së mërkurës në Ligën e Kampionëve ishin interesante dhe me shumë gola.
Dueli mes Barcelonës dhe Bayern Munich-ut përfundoi me fitoren e këtyre të fundit me rezultat 0:3.
Gjithçka filloi mirë për bavarezët, të cilët shënuan në minutën e 10-të me anë të Sadio Mane-s.
Kryesisht, ndeshja ishte e baraspeshuar, por gjermanët shfrytëzuan mundësitë që kishin.
Në minutën e 31-të, Bayern dyfishuan epërsinë me anë të Choupo Moting-ut.
Në pjesën e dytë, Bayern shënoi përsëri, këtë herë me anë të Serge Gnabry-t, por goli u anulua për pozicion jashtë loje.
Për rezultatin përfundimtar, u përkujdes Pavard, i cili shënoi në minutën e 95-të.
Kujtojmë se edhe para fillimit të kësaj ndeshje, Barcelona ishin eliminuar nga Liga e Kampionëve, pasi Inter fitoi kundër Viktoria Plzen-it.
Në anën tjetër, Liverpool ka shkatërruar Ajax-in me rezultat 0:3.
Gjatë kësaj ndeshje, Liverpool ishin skuadra më e mirë, por Ajax kishin mundësi të shumta po ashtu.
Goli i parë erdhi në minutën e 42-të me anë të Mohamed Salah.
Në fillim të pjesës së dytë, Darwin Nunez shënoi për të dyfishuar epërsinë.
Ndërsa pas vetëm tre minutave, Harvey Elliott shënoi përsëri për 0:3.
Ndeshja mes Atletico Madrid-it dhe Bayer Leverkusen-it përfundoi me rezultat të barabartë 2:2.
Dueli filloi mirë për Leverkusen-in, të cilët shënuan në minutën e nëntë me anë të Diaby-t.
Në minutën e 22-të, Carrasco barazoi rezultatin për Atletico Madrid-in, por pas shtatë minutave Hudson Odoi i dha përsëri epërsinë Leverkusen-it.
Në pjsesën e dytë, në minutën e 50-të, De Paul shënoi për golin e barazimit, por kjo nuk mjafton për të pasur një mundësi për të kaluar grupet e Ligës së Kampionëve.
Në minutën e 99-të, Atletico Madrid kishin mundësinë të fitojnë ndeshjen nga penalltia, por Carrasco nuk shënoi.
Edhe ndeshja mes Tottenham-it dhe Sporting-ut përfundoi me rezultat të barabartë, 1:1.
Goli i parë erdhi në minutën e 22-të, me anë të Edwards.
Pas shumë tentimeve për të barazuar rezultatin, erdhi goli në minutën e 80-të, me anë të Bentacur.
Në minutën e 96-të, Tottenham shënuan me anë të Kane, por goli u anulua për pozicion jashtë loje.
Ndeshjet e tjera të Ligës së Kampionëve përfunduan kështu:
Napoli 3:0 Rangers
Eintracht Frankfurt 2:1 Marseille
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Zgjerimi i BE-së: Sa afër anëtarësimit janë nëntë vendet kandidate?
-
Këshilli Bashkiak i Himarës cakton pasuesin e Jorgo Goros
-
Rusia e vendos Evropën në një udhëkryq: Sa do të kushtonte riarmatimi?
-
Cilët janë katalizatorët që do ta ndezin fushatën e partive politike ndërsa nis sezoni zgjedhor në Kosovë?