Mediat gjermane raportojnë se Bayern Munich-u është i interesuar për të marrë shërbimet e talentit të Rubin Kazan-it, Khvicha Kvaratskhelia-s. Lojtari që është dhe pjesë e Kombëtares së Gjeorgjisë, ka lënë gjurmë në Premier Ligën ruse.
Anësori 20-vjeçar është një nga lojtarët më të mirë në klubin e Rubin Kazan-it. Pas tij janë shumë skuadra si Juventus-i, Milan-i, apo dhe Borussia Dortmund-i.
Ai ra në sy sidomos në ndeshjet kualifikuese për Kupën e Botës, Katar 2022, në përballjen me Spanjën.
Sipas Express.de, agjenti i tij, Nobel Dzhugueli, ka thënë se klienti i tij do të përfundojë me siguri ose te Real Madrid-i ose te Bayern-i.
Kvaratskhelia është lojtar që i përdorë mirë të dyja këmbët. Deri tani ai ka shënuar katër herë dhe ka asistuar tetë herë në 21 ndeshje me klubin rus.
Kontrata e tij me klubin është deri në 2024, por klubi mund ta lejojë largimin e tij, për një shumë rreth 12 milionë euro.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ekskluzive: Liburn Aliu e Naser Hafizi ia shlyen kompanisë “Fluidi” borxhin prej 3.5 milionëve për vetëm 13 mijë euro
-
“Institucioni i Prefektit ka dështuar në territor, nevojitet reformë tërësore”
-
Irani mund të rimendojë politikën bërthamore në dritën e kërcënimit nga Izraeli, sipas IRGC
-
S’ka marrëveshje për dinarin, saga vazhdon javën tjetër
