Prizreni 16 ka shënuar fitore ndaj Dritës me rezultat 106:69 (26:21, 26:15, 26:11, 28:22), në çerekfinalen e parë të Superkupës së Kosovës në basketboll, që po zhvillohet në Prishtinë.
Prizrenasit e nisën më mirë ndeshjen dhe e kontrolluan nga fillimi deri në fund. Çereku i parë ishte më i niveluar, por gjithsesi u fitua nga Prizreni 16 me rezultat 26:21. Me kalimin e minutave, epërsia e tyre thellohej, ku arritën të fitojnë periudhën e dytë 26:15, duke shkuar në pushim me rezultat 52:36.
Në pjesën e dytë, prizrenasit ishin edhe më të mirë, ku sërish fituan periodën e tretë, madje, me rezultat bindës 26:11, ndërsa rezultati në semafor pas 30 minutash ishte 78:47. 10 minutat e fundit ishin formalitet dhe Prizreni 16 triumfoi me rezultat 106:69.
Te Prizreni 16 u dalluan Ivan Koljeviq me 19 pikë, nëntë kërcime, shtatë asistime, Courtnley Fells me 17 pikë e nëntë kërcime, Arti Hajdari me 17 pikë e gjashtë asistime dhe Isaiah Johnson me 15 pikë, shtatë kërcime dhe gjashtë asistime, ndërsa te Drita u dalluan Laurant Ibrahimi me 20 pikë, Qëndrim Demi me 15 dhe Arian Memeti me 14 pikë e 12 kërcime.
Prizreni 16 në gjysmëfinale do të ndeshet me fituesin e ndeshjes Peja-Sigal Prishtina, që zhvillohet nga ora 19:00.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Rusia vendos veto ndaj rezolutës së OKB-së për monitorimin e sanksioneve ndaj Koresë së Veriut
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë