Barcelona ka arritur që në minutën e fundit të kohës së rregullt të shpëtojë të paktën një pikë përballë Granada-s.
Katalunasit në këtë ndeshje vinin me disa mungesa pas humbjes së thellë përballë Bayern Munich.
Po në “Camp Nou”, katalunasit prisnin Granada-n që nuk din për fitore në La Liga këtë sezon.
Papritur, mysafirët shënuan vetëm pas dy minutave, me anë të Domingo Duarte-s.
Që nga ai moment, ata nuk krijuan asnjë mundësi, duke u mbrojtur vazhdimisht nga një gol i mundshëm i barazimit.
Granada këtë e arriti shumë mirë, të paktën deri në minutën e fundit të kohës së rregulltë.
Ishte Araujo ai që shfrytëzoi një krosim të Gavi-t për të barazuar shifrat.
Barcelona humbi dy pikë, por njëkohësisht fitoi një që mund ta mos kishte arritur fare.
Për katalunasit, ky është hapi i dytë fals këtë sezon, pas barazimit në fushën e Bilbao-s.
Me një ndeshje më pak të luajtur, ata tani gjenden në vendin e shtatë me tetë pikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
