Ballkani është mposhtur me rezultat minimal 0:1 nga Slavia Praga, në ndeshjen e xhiros së pestë të grupeve në Ligën e Konferencës.
Kampioni i Kosovës zhvilloi një ndeshje shumë të mirë, por nuk arriti të marrë pikë në “Fadil Vokrri”.
Pjesa e parë nuk dhuroi gola, derisa rastin më të mirë e pati Ermal Krasniqi krejt në fund, por goditja e tij shkoi ngjitur me shtyllën.
Edhe në pjesën e dytë, djemtë e Ilir Dajës patën paraqitje të mirë, por golin nuk arritën ta gjejnë.
Dhe, në minutën e 75-të, mysafirët gjetën golin e epërsisë, kur Ondrej Lingr shënoi pas një asistimi të marrë nga David Jurasek.
Minutat shtesë të ndeshjes, Ballkani ka mundur fare lehtë ta barazonte rezultatin, por portieri i Slavia-s priti për mrekulli fillimisht goditjen e Albin Berishës, pastaj pak sekonda më vonë, ndali edhe atë të kapitenit Edvin Kuc.
Ballkani në fund del i mposhtur nga çekët, derisa tani nuk ka gjasa për ta kaluar grupin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
-
Pentagoni, 1 miliard dollarë ndihmë të re ushtarake për Ukrainën
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë