Drejtuesi politik i Partisë Socialiste për Qarkun e Elbasanit, Taulant Balla, vizitoi në spital, efektiven e forcave “Shqiponja”, që ngeli e plagosur nga përplasja me armë mesditën e 21 prillit në Elbasan.
Nga ngjarja në Elbasan mbeti i vdekur, Pjerin Xhuvani, ish-kryetar i Lëvizjes Socialiste për Integrim në atë qytet dhe u plagosën tre shtetas të tjerë. Disa minuta pas ngjarjes, autori u arrestua nga forcat policore.
Efektivja Xhensila Sota, e cila qëlloi rastësisht në vendngjarje në përpjekje për të parandaluar krimin, mori një plumb në këmbë si pasojë e breshërive së të shtënave.
Ajo ndodhet nën kujdesin e mjekëve jashtë rrezikut për jetën.
Në një deklaratë për mediat, Balla e quajti turp deklaratën e Sekretarit të Partisë Demokratike (PD) në Elbasan, Gazment Bardhit.
Bardhi deklaroi se nuk kishte informacion.
“Makina që shikoni atje është e mbushur me karta identiteti dhe para, e drejtuar nga një prej eksponentëve të krimit të organizuar. Është personi që është akuzuar Ditën e Verës”, deklaron Bardhi
Po ashtu Balla u bëri thirrje qytetarëve që të mos bien pre e provokimeve.
” Ju jeni njerëz që dini të vlerësoni rëndësinë e momentit dhe nuk duhet të bini pre e provokimeve”.
Autori Arbër Paplekaj ka qenë shoqërues i Bardhit në Elbasan. Ai gjithashtu ka qenë pjesëtar i forcave RENEA.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Kushtëzimi i BE-së për normalizim të raporteve me Kosovën, “s’mund ta shtyjë” Serbinë ta zbatojë Marrëveshjen Bazë
-
Raportimet e Albanian Post – PSD përuron “çeshmen e milionerëve” për nder të Liburn Aliut
-
“Evropa mund të vdesë”: Macron kërkon mbrojtje më të fortë dhe reforma ekonomike
-
Lëvizja 5 Yjet i kërkon Melonit të ‘merret me Ramën’ dhe të mbrojë RAI-n
