Austria do të bëhet vendi i radhës, i cili do të dëbojë diplomatët rusë nga vendi, duke bërë një lëvizje, e cila parasheh largimin e tre zyrtarëve të Moskës në Vjenë dhe njërit në Salzburg.
Lajmin është bërë me dije nëpërmjet një njoftimi për shtyp nga Ministria e Jashtme austriake.
Arsyetimi mbi këtë fakt, është ai i sjelljes jo të duhur nga ana e diplomatëve rusë dhe zhvillimit të aktiviteteve që bien ndesh me parimet themelore të konventave ndërkombëtare.
Afati për largimin e tyre është data 12 prill.
Dëbime të diplomatëve rusë ka pasur ditët e shkuara në numër të madh, duke nisur nga Gjermania e Franca, të cilat së bashku kanë dëbuar 75 diplomatë, Italia, Danimarka, Greqia etj..
Gjithsesi, ende priten veprime të tilla nga Britania e Madhe, Kanadaja apo Australia, të cilat nuk kanë marrë një vendim të qartë mbi qëndrimin e diplomatëve rusë në vendet e tyre.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë
