Australia ka mposhtur Slloveninë në basketboll për medaljen e bronztë në Lojërat Olimpike “Tokyo 2020”.
Australia fitoi me rezultat 93:107, për të siguruar të bronztën olimpike në basketboll.
Australia u mposhtën nga SHBA-të në gjysmëfinale, ndërsa Sllovenia nga Franca.
Ndeshja mes Sllovenisë dhe Australisë filloi e baraspeshuar, por këta të fundit morën një epërsi prej tetë pikëve në çerekun e dytë.
Patty Mills ishte heroi i australianëve, i cili kishte performancë shumë të mirë me 42 pikë e 9 asistime.
Ndërsa ylli i Dallas Mavericsks, Luka Doncic nuk ishte në formën e tij më të mirë pasi shënoi 22 pikë me 8 kërcime e 7 asistime, por me efikasitet të dobët.
Lojtarët që kontribuuan në fitoren e Australisë ishin Joe Ingles me 16 pikë e 9 Kërcime dhe Dante Exum me 12 pikë.
Ndërsa lojtar të tjerë që kishin performanca të mira te Sllovenia ishin Klemen Prepelic me 18 pikë e 7 kërcime dhe Mike Tobey me 13 pikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com