Audi do të bashkohet me Sauber në Formula 1 nga viti 2026

Audi ka konfirmuar se do të bashkëpunojë me Sauber për hyrjen e tyre në kampionatin botëror të Formula 1, nga viti 2026.

Në fillim të këtij viti, prodhuesi gjerman i makinave konfirmoi se ata do t’i bashkoheshin sportit pas katër vitesh, kur të vendosen rregullat për një ndryshim të madh. Do të përdoret karburant 100 për qind elektrik.

Tani është konfirmuar se ata do të bashkëpunojnë me Sauber, i cili aktualisht kandidon si ekipi i Alfa Romeo, nga viti 2026.

Në një deklaratë Sauber tha, “Ky partneritet do ta sjellë ekipin në lartësi të reja, duke garantuar në të njëjtën kohë të ardhmen afatgjatë të kompanisë”.

Kryetari i bordit të Sauber Holdings, Finn Rausing, shtoi, “Audi është partneri më i mirë strategjik për Sauber Group”.

BREAKING: Sauber will compete as the Audi factory team from 2026, using an Audi power unit#F1 @audisport pic.twitter.com/DyQNR70MRp

— Formula 1 (@F1) October 26, 2022

Makina e garave do të vazhdojë të zhvillohet dhe prodhohet në Zvicër, ndërsa partnerët e rinj do të zhvillojnë motorin në Gjermani.

Oliver Hoffmann, anëtar i Bordit të Audi AG përgjegjës për programin F1, tha se “Ne jemi të kënaqur që kemi fituar një partner kaq me përvojë dhe kompetent për projektin tonë ambicioz të Formula 1”.

“Ne tashmë e njohim Sauber Group dhe ekipin me përvojë nga bashkëpunimet e mëparshme dhe jemi të bindur se së bashku do të formojmë një ekip të forte”, theksoi ai.

Në Formula 1 kanë mbetur dhe tre gara nga fushata aktuale. E radhës do të jetë në Meksikë fundjavën që vjen.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.