ATP 500, që po zhvillohet në Meksikë, ka parë të gjithë favoritët që t’i drejtohen gjysmëfinaleve me lehtësi.
Nënkampioni i Australian Open, dhe njeriu që do të jetë i pari në botë pas këtij turneu, Daniil Medvedev, zbriti i pari në fushë.
Përballë, Medvedev kishte japonezin Yoshihito Nishioka.
Ndeshja për rusin ishte shumë e lehtë, ku ai arriti fitoren në vetëm 71 minuta.
Daniil fitoi 2-0 (6-2, 6-3) me sete, dhe në gjysmëfinale do të përballet me Rafael Nadal, njeriun që e mposhti në Australi.
Nadal kishte një ndeshje relativisht më të vështirë.
Spanjolli numër pesë në botë, u përballë me Tommy Paul.
Seti i parë shkoi shumë mirë për të, ku fitoi 6-0, por i dyti nuk ishte edhe aq i lehtë, me Nadal që u detyrua të luaj deri në tie-break, për të marrë ndeshjen 2-0 me sete.
Ndeshje të lethë kishte edhe Stefanos Tsitsipas.
Në vetëm 1 orë e 18 minuta, greku fitoi 0-2 (3-6, 4-6) përballë numrit 56 në botë, amerikanit Marcos Giron.
Në gjysmëfinale, Tsitsipas do të përballet me Cameron Norrie.
Britaniku fitoi me lehtësi 2-0 (6-1, 6-0) me sete pas vetëm 1 orë e 12 minuta lojë, përballë Peter Gojowczyk.
Gjysmëfinalet zhvillohen të shtunën, kurse të dielën luhet finalja e madhe.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
-
Pentagoni, 1 miliard dollarë ndihmë të re ushtarake për Ukrainën
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë
