Komisioneri për Zgjerim i Bashkimit Evropian, Oliver Varhelyi, pas takimeve me Kryeministrin e Kosovës, Albin Kurti, dhe kryetarin e Listës Serbe, Goran Rakiç, ka thënë se themelimi i Asociacionit të Komunave me Shumicë Serbe “është parakusht për normalizim dhe progres në rrugën e Kosovës drejt BE-së”.
“Diskutim i hapur me kryeministrin Albin Kurti, zëvendëskryeministrin, Besnik Bislimi dhe anëtarët e kabinetit për progresin e Kosovës në rrugën drejt BE-së. BE-ja po ofron mbështetje të madhe për zhvillimin ekonomik të lidhur me zbatimin e mëtejshëm të reformave dhe zbatimin e marrëveshjes së dialogut, duke përfshirë Asociacionin”, ka shkruar ai në Twitter pas takimit me Kurtin.
Se duhet të themelohet Asociacioni, Komisioneri për Zgjerim i Bashkimit Evropian e ka thënë edhe në takimin me kryetarin e Listës Serbe – të cilët vazhdimisht e kërkojnë që të themelohet ky mekanizëm – Goran Rakiç, në Mitrovicën e Veriut.
“U takova me Presidentin e Listës Serbe, Goran Rakiç në Mitrovicën e Veriut dhe diskutuan mbështetjen e BE-së për rajonin. Themelimi i Asociacionit të Komunave me Shumicë Serbe është parakusht për normalizim dhe progres në rrugën e Kosovës drejt BE-së”, ka shkruar Varhelyi në rrjetin social Twitter pas takimit me Rakiç-in.
Ndërsa, Kryeministri i Kosovës, Albin Kurti, pas takimit me Komisionerin për Zgjerim i Bashkimit Evropian, Oliver Varhelyi, ka theksuar se me këtë të fundit ka diskutuar për procesin e integrimit të Kosovës në Bashkimin Evropian.
“Është mirë të mirëpres Komisionerin për Fqinjësinë dhe Zgjerimin Oliver Varhelyi. Diskutuam përparimin e rëndësishëm të Kosovës drejt integrimit në BE. Ky progres do të forcohet përmes iniciativave të reja si Programi për Çështjet e Brendshme BE-Kosovë, i cili do të ndihmojë në luftimin e korrupsionit”, shkroi Kurti në Twitter.
Kurti pas takimit me Varhely-in: Diskutuam për përparimin Kosovës drejt integrimit në BE
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ish i dashuri i Princeshës Beatrice, Paolo Liuzzo, vdes nga mbidoza e dyshuar e drogës
-
Raportimi i AP-së për mospunësimin e katër specialistëve, Vitia: Do t’u bëhet zgjidhje sa më shpejtë
-
Lëshonin fatura fiktive duke i shkaktuar shtetit 1 milionë euro dëm, ‘arrest në burg’ për dy shtetas
-
Gërvalla i quan “lotë të krokodilit” shqetësimet e opozitës për raportin e DASH-it
Lajmet kryesore
-
Nis takimi Bislimi – Petkoviç në Bruksel për dinarin
-
“Afera e ambalazhuesve”, Selmanaj: Prokuroria urgjentisht të fillojë çmontimin e kësaj skeme korruptive dhe kriminale
-
Miliarderët e botës duhet të paguajnë minimalisht 2% taksë mbi pasurinë, thonë ministrat e G20
-
SPAK nuk fillon procedim për Bardhin, pas kërkesës nga Olsi Rama