Arsenal të interesuar për transferimin e Zinchenko-s

Arsenali po mendon të bëjë një lëvizje për lojtarin e Manchester City, Oleksandr Zinchenko, sipas gazetës britanike Daily Mail.

Trajneri i Arsenal-it, Mikel Arteta raportohet se e sheh 25-vjeçarin e gjithanshëm si një mesfushor në planet e tij dhe duket se do të pyesë për një kalim të mundshëm nga Etihad Stadium në Emirates.

Pasi ka bërë vetëm 10 startime në Premier League sezonin e kaluar, ukrainasi ka parë më pak kohë duke luajtur pasi Pep Guardiola ka përdorur Joao Cancelo në anën e majtë të mbrojtjes, por ai mund të jetë një lojtar kyç nëse ai kalon te Topçinjtë.

Kuptohet që Zinchenko ka thënë se do të dëshironte të qëndronte në City dhe të luftonte për vendin e tij, por marrëdhënia e tij e mirë me Artetën u zhvillua gjatë punës së bashku kur spanjolli ishte ndihmës menaxher në City dhe mund ta shihte atë të hapur për një lëvizje në veri të Londrës.

Zinchenko së bashku me Manchester City-n fituan titullin e Premier League të sezonit 2021-2022, dhe tani ukrainasi po kërkon një sfidë të re, me ekipin premtues të Arsenal-it.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.