Tre ndeshje shumë të rëndësishme u zhvilluan gjatë pasditës së të dielës për të ndryshuar renditjen në Premier League.
Arsenal-i priti në “Emirates” Watford-in, dhe arriti të përfitoj shumë mirë nga gabimet e Chelsea-s dhe Manchester United-it.
Topçinjtë arritën të sigurojnë ndeshjen e tetë radhazi pa humbje në Premier League, duke u ngjitur lartë në tabelë.
Ata ishin më të mirë se Watford-i gjatë gjithë takimit, por arritën fitoren minimale vetëm falë golit të Emil Smith Rowe në pjesën e dytë.
Arsenal-i pa edhe një gol t’i anulohej nga VAR-i dhe një penallti të gabuar nga Aubameyang.
Me këtë tre pikësh, Arsenal-i ngjitet në vendin e pestë me 20 pikë, aq sa ka edhe West Ham-i, që përballet me Liverpool-in me fillim në orën 17:30.
Në ndeshjen e parë si trajner i Tottenham-it në Premier League, Conte nuk shkoi përtej barazimit pa gola.
Ata u ndalën nga Everton-i, me rezultat 0-0.
Në barazim përfundoi edhe ndeshja Leeds – Leicester, 1-1, me dy golat që erdhën në pjesën e parë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Rama ‘letër publike’ Ranuccit: Hodhët një tjetër hap fals, fatkeqësi që bëni krahasime me Kremlinin
-
Osmani pas fitores: Vetëm fillimi i një kapitulli të ri për një të ardhme të ndritur
-
Miliarderët e botës duhet të paguajnë minimalisht 2% taksë mbi pasurinë, thonë ministrat e G20
-
O’Brien i kërkoi “përparim urgjent” për Asociacionin, Kurti s’e përmend askund
