Rikthimi në Madrid për atë që para pak vitesh cilësohej si talenti më i madh në futbollin europian, Martin Odegaard-it, nuk shkoi siç pritej. Norvegjezi është gati të lërë përsëri Real Madrid-in dhe kësaj here për Arsenal-in. Me topçinjtë që janë shumë të interesuar të marrin shërbimet e 22-vjeçarit.
Odegaard-i u ble nga Real-i në 2015, nga norvegjezët e Stromsgodset-it. U aktivizua fillimisht me Real Madrid Castilla-n, më pas u huazua te holandezët e Heerenveen-it dhe tek Vitesse më vonë.
Mesfushori i avancuar u rikthye në Madrid në 2019, për tu huazuar përsëri. Kësaj radhe te spanjollët e Real Sociedad-it. Me Sociedad-in Odegaard-i shkëlqeu në 36 ndeshje, ku shënoi shtatë gola dhe dhuroi nëntë asiste.
Forma e mirë e norvegjezit, bëri që Real-i ta rikthente në ekip. Rikthimi nuk i arriti pritshmëritë në fushën e lojës dhe pas gjysëm sezoni do të largohet përsëri. Në nëntë paraqitje me Los Blancos-at nuk arriti të linte gjurmë.
Mikel Arteta e kërkon 22-vjeçarin ta ketë pjesë të ekipit të tij, si një forcë më shumë në fazën sulmuese. Madrilenët janë të hapur për një huazim, deri në përfundim të këtij sezoni./ AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
MPJD: Jankoviç sapo është liruar dhe ndodhet rrugës për në Kosovë
-
Kuvendi miraton me 96 vota marrëveshjen për hapjen e Kolegjit të Evropës në Tiranë
-
Vala vdekjeprurëse e të nxehtit afrikan, “e pamundur” pa ndryshimet klimatike
-
Foto e shtypit botëror: Në ato fytyra të padukshme shprehet forca e dhimbjes
