Përmes një postimi në median sociale “Facebook”, Autoriteti Rrugor Shqiptar (ARRSH) ka bërë me dije mëngjesin e 15 shkurtit se në rajonin jugor reshjet kanë vijuar deri në orët e para të mëngjesit. Në rajonin verior dhe qendror reshjet kanë pushuar.
“Kushtëzuar nga reshjet dhe temperaturat e ulëta, të qarkullohet me goma dimërore ose zinxhirë në orët e paradites”, njofton ARRSH.
RAJONI JUGOR
Vazhdon të jetë problematik segmenti Qafë Thanë-Dogana, për shkak të mjeteve që kanë bllokuar rrugën. Në usekët e rrugës kalimi është me një korsi. Vijon puna brenda territorit të doganës për pastrimin dhe kthimin në normalitet.
RAJONI QENDROR
Qarkullohet me zinxhirë në këto akse rrugore: Lunik–Fushë Studë, Rrugët e Dajtit, Krujë-Sarisalltik, Elbasan-Gjinar, Gramsh-Kodovjat, Mollë-Grabovë, Kryqëzim Zëmblak-Goricë.
RAJONI VERIOR
Qarkullohet me zinxhirë në këto akse rrugore: Kukës-Bushtricë, Bicaj-Bushtricë, Domaj-Daj Reç, Trebisht –Doganë, Ura e Cerenecit–Klenjë.
ARRSH-ja i ka bërë thirrje të gjithë drejtuesve të mjeteve të pajisen me goma dimri ose zinxhirë, të reduktojnë shpejtësinë, të respektojnë sinjalistikën rrugore dhe udhëzimet e Policisë Rrugore.
“Kontraktorët janë në terren për pastrimin e akseve dhe shpërndarjen e kripës”, sqaron ARRSH-ja.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Greqia nuk do të dërgojë sisteme të mbrojtjes ajrore në Ukrainë pavarësisht presionit të BE-së
-
Bardhi i përgjigjet Ramës: Do ta kuptojë shumë shpejt nëse kam bërë apo jo kallëzim në SPAK
-
Basha: Ja vija blu që të bashkohemi rreth një alternative
-
Rama: Kallëzimi i pabërë i Bardhit iu shit si sapun për djathë italianëve
