Është arrestuar nga Byroja Federale e Hetimit (FBI), një ushtar amerikan, i cili mendohet se ka ndihmuar me këshilla taktike Shtetin Islamik (IS), për kryerjen e disa sulmeve terroriste në New York dhe ndaj forcave të SHBA-së në Lindjen e Mesme.
Prokurorët kanë akuzuar Cole James Bridges, për dhënie informacioni të rezervuar. Një informator i infiltruar nga FBI-ja, i kërkoi Bridges-it t’i jepte asistencë për disa sulme. Ky i fundit, i tregoi agjentit të infiltruar si të vriste ushtarët amerikanë në Lindjen e Mesme. Ai kishte shtuar gjithashtu se do të radhitej në anën e xhihadistëve nëse këta të fundit sulmonin New York-un.
Ishin të shumta sulmet që ushtari amerikan kishte projektuar. Një ndër to, parashihte shpërthimin e disa urave në New York. Një tjerër, ndërtesat shtetërore amerikane. Memoriali i 11 shtatorit në Manhattan, ishte gjithashtu i pikasur si vend për kryerje sulmi.
Bridges-i kishte dhënë edhe informata mbi skemat që Ushtria Amerikane përdor gjatë betejave. Deklarata e tij se do t’i bashkohej xhihadistëve, ka ngjallur frikë tek autoritetet në SHBA. Po hidhen dyshime se mund të jetë një grup më i madh i përfshirë në rrjedhjen e informacioneve konfidenciale.
Si provë për besnikërinë e tij nga IS-it, Bridges-i kishte dërguar foto ku shfaqej me flamurin e zi të Shtetit Islamik.
Ushtaraku amerikan mund të përballet me një dënim deri në 40 vite. Ky arrestim, vjen pas trazirave të shumta të shkaktuara nga ekstremi i djathtë në SHBA, të kulmuara me dhunën dhe bastisjen e Capitol-it./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Izraeli, palestinezët dhe sauditët – Rreziku diplomatik i Biden për të riparuar Lindjen e Mesme
-
Plagosja e gazetarit iranian në Londër, një prej autorëve mund të jetë shqiptar
-
Burgoset një përndjekëse e Harry Styles, pasi i dërgoi 8 mijë letra në një muaj
-
Vdes personi që u vetëdogj përpara gjykatës ku mbahej seanca e Trump
Lajmet kryesore
-
Moody’s me vlerësim ‘pozitiv’ për Shqipërinë, ulet borxhi dhe rritet ekonomia
-
Kryediplomati grek: Greqia do të abstenojë për anëtarësimin e Kosovës në KiE
-
Izraeli, palestinezët dhe sauditët – Rreziku diplomatik i Biden për të riparuar Lindjen e Mesme
-
Pse Kurti nuk mori pjesë në tubimin e “VLEN-it” në Gjermani?