Arrestohet për tradhëti të lartë një nga ekspertët kryesorë rusë të raketave bërthamore, akuzohet për dekonspirim informacionesh sekrete
Profesor i Asociuar Anatoli Gubanov është arrestuar me akuzën se ka dekonspiruar të dhëna të klasifikuara të aviacionit rus në agjenturat perëndimore. 63-vjeçari po përballet me akuza për tradhëti të lartë, duke rrezikuar 12 deri në 20 vite burgim.
“Sipas hetimit, Gubanov dorëzoi të dhëna sekrete të zhvillimit të aviacionit jashtë vendit” – tha një burim ligjor i lidhur me këtë çështje.
Shkencëtari kryesor kishte punuar me ekspertë perëndimorë në një projekt ndërkombëtar të quajtur Hexafly-Int duke synuar zhvillimin e një avioni pasagjerësh me shpejtësi të lartë që funksionon me karburant hidrogjeni. Ky projekt përfshinte specialistë nga Mbretëria e Bashkuar, Franca, Gjermania, Hollanda, Belgjika, Italia dhe Australia.
Gjatë një gjykimi me dyer të mbyllura, u vendos që Gubanov të mbahej në paraburgim deri në shkurt. Spekulime të ndryshme e lidhin këtë çështje me raketën bërthamore që operon me dhjetë herë shpejtësinë e zërit, të përmendur nga Putin.
Gubanov është i fundit nga një numër i madh i shkencëtarëve dhe zyrtarëve rusë që janë arrestuar gjatë fushatës së ashtëquajtur “mania e spiunazhit”. Kolegët e Gubanov-it janë shprehur “të befasuar” nga arrestimi i një personaliteti shkencor “kaq të respektuar nga studentët e tij”./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë