Policia e shtetit ka finalizuar operacionin e koduar “Kritikal”, në kuadër të të cilit është arrestuar në flagrancë poseduesi i lëndës narkotike me iniciale E.B dhe bashkëpunëtori i tij me iniciale F.C. Mësohet se ky i fundit e informonte për prezencën e shërbimeve të policisë në rrugë.
“Specialistët për Hetimin e Narkotikëve, në bashkëpunim me Forcën Operacionale në Drejtorisë Vendore të Policisë (DVP) Durrës, në bazë të informacioneve të disponuara, kanë finalizuar operacionin e koduar policor “Kritikal”. Është arrestuar në flagrancë shtetasi E.B, 42- vjeç, banues në Tiranë, në “Mbikalimin e Plepave”, Durrës, me mjetin tip “Porsche”, ka njoftuar policia.
Shërbimet policore bëjnë me dije se gjatë kontrollit, në bagazhin e këtij mjeti u konstatuan 77-të pako me lëndë narkotike, të dyshuar marijuanë në formë çokollate, me peshë 30.640 kilogramë.
Mësohet se shërbimet e policisë kanë ndaluar edhe mjetin tip “Audi”, me drejtues shtetasin F.C, i cili rezulton se ka bashkëpunuar me shtetasin E.B.
Nga hetimet ka rezultuar se sasia e lëndës narkotike të kapur nuk është prodhuar në Shqipëri, por është trafikuar nga një vend tjetër.
Materialet i kaluan Prokurorisë së Rrethit Gjyqësor Durrës, për veprime të mëtejshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Zbatimi i hartës së re gjyqësore, Manja pret në zyrë kryeprokurorin Çela dhe Llagamin
-
Olsi Rama hedh poshtë akuzat e Bardhit për lidhjet me drogën: Vijnë nga një i paburrë
-
GJKKO i caktoi arrest në burg, Qato: Kam zbatuar ligjin, i keqardhur që SPAK ka rënë pre e presionit politik
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
Lajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Rusia vendos veto ndaj rezolutës së OKB-së për monitorimin e sanksioneve ndaj Koresë së Veriut
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë