Në Mbretërinë e Bashkuar, policia është përballur me kritika nga aktivistët dhe grupet e lirive civile për trajtimin e tyre ndaj njerëzve që kanë sfiduar publikisht ngjitjen e mbretit Charles III në fron pas vdekjes së Mbretëreshës Elizabeth II.
Shqetësimet e ngritura prej tyre lidhen me lirinë e fjalës.
Në Edinburg, një grua që mbante një pankartë me mbishkrimin “anulim i monarkisë” u akuzua për shkelje të paqes.
Kurse një tjetër grua në Londër u zhvendos nga portat e Parlamentit teksa mbante ndër duar një pankartë “nuk është mbreti im”.
Policia ka arrestuar ditët e fundit njerëz që protestojnë kundër monarkisë, duke ngritur pikëpyetje në lidhje me mbrojtjen e lirisë së fjalës nga autoritetet.
Një burrë u akuzua për shkelje të paqes pasi sulmoi Princin Andrew teksa makina e funeralit të mbretëreshës udhëtonte nëpër kryeqytetin skocez.
Në Oksford, aktivisti i paqes Symon Hill u prangos pasi bërtiti “kush e zgjodhi atë?”, duke iu referuar mbretit të ri.
Sipas Hill, ai u fut në një furgon policie nga oficerët, të cilët i thanë se po ndalohej për sjellje të supozuar që mund të shkaktonte “ngacmim, alarm ose shqetësim”.
Sakaq, u lirua më vonë, por ende mund të përballet me ankesat.
“Policia shpërdoroi pushtetin e saj për të arrestuar dikë që shprehu një kundërshtim ndaj emërimit të një kreu shteti në mënyrë jodemokratike”, ka thënë ai.
Avokati Paul Powlesland ka thënë se ai u mor në pyetje nga policia jashtë Parlamentit, teksa mbante një copë letre të bardhë, në të cilën ai gjithashtu kishte planifikuar të shkruante “nuk është mbreti im”.
Ndërkohë, grupi i të drejtave civile Liberty ka treguar se ishte “shumë shqetësuese të shihje policinë që po zbatonte kompetencat e saj të gjera në një mënyrë kaq të rëndë dhe ndëshkuese për të shtypur lirinë e fjalës dhe shprehjes”.
Republic, një grup që bën fushatë për heqjen e monarkisë, ka thënë se do të ankohej në polici “në termat më të fortë të mundshëm” dhe do të organizonte protesta në kurorëzimin e mbretit në muajt e ardhshëm.
“Fjala e lirë është thelbësore për çdo demokraci. Në një kohë kur media është e ngopur me gënjeshtra mbi një mbret të emëruar pa diskutim apo pëlqim, është edhe më e rëndësishme”.
Këto arrestime të fundit vijnë pasi qeveria miratoi një projektligj kontestues për ligjin dhe rendin që forcoi kompetencat e policisë për të kufizuar protestat përçarëse.
Por nuk është e qartë nëse ndonjë nga arrestimet përfshinte ligjin e ri.
Marrë nga “Aljazeera”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Shënjestrimi i inflacionit dhe kursi i lirë i këmbimit po funksionojnë, thotë Sejko
-
REL: Lajçak me post të ri nga shtatori, pritet të bëhet ambasador i BE-së në Zvicër
-
Macron: Putin në G20? Duhet të vendoset në bazë konsensuale
-
Paralajmërimi i kryeministrit polak: Lufta në Evropë është një rrezik real, por ne nuk jemi gati
Lajmet kryesore
-
Si mashtroi Kurti se Kosova e ka “shumë afër” padinë për gjenocid ndaj Serbisë – qe 3 vjet, padia askund
-
Shënjestrimi i inflacionit dhe kursi i lirë i këmbimit po funksionojnë, thotë Sejko
-
Paralajmërimi i kryeministrit polak: Lufta në Evropë është një rrezik real, por ne nuk jemi gati
-
REL: Lajçak me post të ri nga shtatori, pritet të bëhet ambasador i BE-së në Zvicër