Maximilian Arnold-i e ka pranuar se ai është i zhgënjyer që Kombëtarja e Gjermanisë nuk e ka thirrur në ndeshjet kualifikuese të marsit, për në Kupën e Botës, Katar 2022.
Mesfushori i Wolfsburg-ut është një nga lojtarët kryesorë të suksesit të ekipit të tij, që renditet në vendin e tretë në Bundesligë.
Arnold-i nuk u përfshi në listën e Kombëtares gjermane për ndeshjet me Islandën, Rumaninë dhe Maqedoninë e Veriut këtë muaj.
“M’u deshën disa ditë për të pranuar faktin që nuk u thirra. Unë u zhgënjeva. Por, pakënaqësia është zhdukur”, tha Arnold-i për Sport Bild.
“Është e vërtetë që ka lojtarë të shkëlqyer në pozicionin tim. Por, unë kam luajtur 244 ndeshje në Bundesligë dhe kam eksperiencë. Wolfsburg-u po luan mirë, unë po luaj mirë. Nuk do të dëmtonte askënd nëse do të thirresha. Nuk mund ta kuptoj”, shtoi ai.
Arnold-i, 26-vjeçar, nuk është thirrur nga Gjermania, që kur bëri debutimin kundër Polonisë në 2014.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ekskluzive: Hajnia multi-milionëshe e Liburn Aliut dhe Naser Hafizit
-
MPB: 10 pjesëtarë të Policisë së Kosovës janë ndaluar nga Serbia, 5 ende janë në mbajtje
-
Izraeli kishte vendosur të godiste Iranin të hënën, por më pas u tërhoq
-
Shqipëria tashmë jashtë listës së vendeve në monitorim nga KiE, pas 29 vitesh