Arkitekti Përparim Rama, është kandidat i Lidhjes Demokratike të Kosovës, për kryetar të Prishtinës në zgjedhjet lokale që pritet të mbahen në vjeshtë.
Kështu ka bërë të ditur me anë të njoftimit në Facebook, kryetari i LDK-së, Lumir Abdixhiku, i cili ka shkruar se “Përparim Rama është arkitekti e urbanisti më i njohur shqiptar – i vlerësuar me çmime ndërkombëtare gjithandej nëpër botë”.
“Përvoja e jashtëzakonshme e tij me punë në Londër tash e sa vjet e bën Përparimin një aset nacional të vendit; një përfaqësues të denjë të komuniteti profesional e shoqërisë në përgjithësi – brenda e në diasporë padallim”, ka shkruar Abdixhiku në Facebook.
I njohur për angazhimin e tij kryesor në planifikim hapësinor të Lojërave Olimpike në Londër në vitin 2012; për angazhimin e tij në ndërtimin e vizionit të Doha’s, kryeqytetit të Katarit; për projekte madhore në New York, Dublin, Bazel, Pragë e deri në Damask të Sirisë – Rama i Prishtinës mbanë një bagazh të mbresëlënës të shenjave që i mbijetojnë kohës”.
“Tani ka ardhë koha që ecjen e tij nëpër botë ta ndërpresim; e këtë bagazh të madh të tij ta kthejmë në qytetin e tij e tonin – në Prishtinë. Ky vend bëhet mirë kur më të mirët japin veten. Përparimi është i tillë”.
Kryetari i LDK-së shton se me Ramën ai është takuar disa herë ‘’për të folur rreth problemeve më bazike të kryeqytetit’’.
“Gjatë muajve të fundit kam takuar Përparimin disa herë. Kemi folur shtruar e qartë për problemet më bazike të kryeqytetit. Për ngufatjen, ndotjen, ngarkesën e për dhënien e shpirtit të qytetit – të pamjes e përvojës, të hapësirës e komunitetit, të organizimit të vet jetës – të ndërtimit të Prishtinës në qytetin që e duam të gjithë”.
“Kam qenë i mahnitur jo vetëm me dashurinë e tij ndaj Kryeqytetit por edhe me zgjidhjet e tij për problemet tona më bazike. Përparimi ka vizionin që e kërkojmë tash e sa kohë. Jam i bindur se do ta pranoni këtë vizion”, shkroi Abdixhiku.
“Përparimi i Prishtinës është edhe përparimi jonë që e kërkojmë tash e sa kohë. Qytetit po i japim një kryetar që i jep shkëlqimin që e meriton; e LDK-së rikthimin e madh”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Si u bë Londra ‘pika e nxehtë’ për kërcënimet ndaj gazetarëve iranianë?
-
Komandanti i KFOR-it ftohet nga Serbia në stërvitjen ushtarake që organizohet 30 kilometra nga kufiri i Kosovës
-
Kuvendi miraton me 96 vota marrëveshjen për hapjen e Kolegjit të Evropës në Tiranë
-
“Antena M”: Serbia hartoi një plan për pushtimin e veriut të Kosovës – disa shtete mund ta pamundësojnë reagimin e KFOR-it
Lajmet kryesore
-
E ardhmja e Shqipërisë nuk është te njerëzit e përfshirë në korrupsion, thotë Wisner
-
Kuvendi miraton me 96 vota marrëveshjen për hapjen e Kolegjit të Evropës në Tiranë
-
Si u bë Londra ‘pika e nxehtë’ për kërcënimet ndaj gazetarëve iranianë?
-
“Antena M”: Serbia hartoi një plan për pushtimin e veriut të Kosovës – disa shtete mund ta pamundësojnë reagimin e KFOR-it