Arkitektët, gati planin për ndryshimin e klimës

Ndryshimi i klimës po i bën qytetet më të ndjeshme ndaj përmbytjeve. Sipas një studimi të vitit 2019, nivelet globale të detit pritet të rriten ndërmjet dy dhe shtatë metrave gjatë shekullit.

Deri në vitin 2100, të paktën 190 milionë njerëz mund të jetojnë në zona nën vijën e parashikuar të baticës.

“Nëse projekti ynë qëndron, komunitetet bregdetare në të gjithë botën duhet të përgatiten për të ardhme shumë më të vështirë sesa mund të parashikohet aktualisht”, paralajmëroi studimi.

Një hulumtim i veçantë arriti në përfundimin se, nëse bota nuk bën asgjë për të zbutur ngritjen e nivelit të detit, përmbytjet bregdetare mund të shkaktojnë dëme me vlerë deri në 20% të prodhimit të brendshëm bruto global deri në 2100-ën.

Kërcënimi nga përmbytja po ndryshon mënyrën e ndërtimit të qyteteve dhe arkitektët po përshtatin planet e tyre me një realitet të ri klimatik.

Duke përdorur materiale të qëndrueshme dhe teknika inovative, këto dizajne nga e gjithë bota mund të jenë gjithnjë e më të rëndësishme në një të ardhme ku përmbytjet mund të jenë të përhapura.

Me nivelet globale të detit në rritje, arkitektët duhet të përshtaten me një realitet të ri klimatik. Më poshtë vijojnë disa nga projektet e tyre më inovative rezistente ndaj përmbytjeve.

San Francisco, SH.B.A. – Rrethi Embarcadero është një nga zonat më të dashura të San Franciskos, por është gjithashtu një nga vendet historike më të rrezikuara të Amerikës, të prekshme nga tërmetet dhe nga ngritja e nivelit të detit.

Në shtator, Heatherwick Studio, me qendër në Londër, lëshoi vizionin e saj, “The Cove”, një dizajn që do ta mbronte zonën nga përmbytja ndërsa siguronte një qendër të re sociale dhe park ekologjik për komunitetin. Zhvillimi do të përdorte kalatat e braktisura, duke përfshirë Skelën 30-32, të cilat mbetën të paprekura pas tërmetit në Loma Prieta në 1989.

Manhausen, Norvegji – I vendosur në buzë të Rrethit Arktik, në ishullin e largët të Manhausen-it në veri të Norvegjisë, ndodhen një seri kabinash, të ndërtuara nga Snorre Stinessen Arkitektur. Ato janë krijuar për t’u bërë ballë kushteve ekstreme të motit. Secili mbështetet nga shtizat dhe pozicionohet sipas lartësisë së valës dhe ngritjes së parashikuar të nivelit të detit.

Manhausen, Norvegji – Kabinat kompakte janë një zgjatim i Manhausen Island Resort,  në pronësi të eksploruesit, Børge Ousland. Duke akomoduar deri në pesë persona, kabinat kanë pamje nga deti Barents me dritare të gjera qelqi, të përsosura për të parë yjet ose për të dalluar bukurinë e detit.

Projektuar për të qenë të qëndrueshëm, ato janë ndërtuar nga një strukturë e fortë druri me veshje fletësh alumini për të mbrojtur drurin nga ekspozimi i ujit të kripur.

Marlow, Mbretëri e Bashkuar – Baca Architects e specializuar në “akuakulturë”, ndërtimin në, mbi ose afër ujit. E famshme për Shtëpinë Amfibike, e ndërtuar në 2016-n, në brigjet e lumit Thames në Marlow, MB. Për t’u mbrojtur nga përmbytjet në zonë, shtëpia është e fuqishme, qëndron në tokë në kushte të thata.

Stratford-Upon-Avon, MB – Projekti i fundit rezidencial i firmës përbëhet nga shtëpi të ndërtuara në një fushë përmbytjeje në Stratford-Upon-Avon. 11 shtëpitë në Shipston Road janë ndërtuar mbi pirgje të ngritura dhe hapësira e gjelbër është e rregulluar për të mbështetur rrjedhjen e ujit.

Richard Coutts, drejtori i Baca Architects, thotë se ky model strehimi ofron një zgjidhje për zbutjen e përmbytjeve.

Oceanix City – Duke parë shumë më larg në të ardhmen, firma e arkitekturës Bjarke Ingels BIG zbuloi një koncept për një qytet lundrues për 10 mijë njerëz, për të ndihmuar popullatat e kërcënuara nga moti ekstrem dhe ngritja e nivelit të detit. Oceanix City përbëhet nga ishuj të shumtë që janë grumbulluar si fshatra dhe janë ankoruar në vend.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.