Kolumbia nuk do të jetë partnere e Argjentinës në organizimin e Copa America 2021 pas një serie protestash në shtet.
Kompeticioni do të mbahej nga Argjentina dhe Kolumbia së bashku për herë të parë në historinë e saj 105-vjeçare.
Por, javëve të fundit ka pasur protesta të mëdha kundër qeverisë në Kolumbi, me protestuesit që kanë penguar edhe zhvillimin e ndeshjeve të Copa Libertadores.
Finalet e kompeticionit me 10 shtete, do të zhvilloheshin në Barranquilla.
CONMEBOL-i, Federata e Futbollit e Amerikës Jugore, i zhvendosi ndeshjet nga Kolumbia.
“Garantojmë për zhvillimin e Copa America-s këtë vit. Në ditët në vijim do të vendosim vendin që do të zëvendësojë Kolumbinë”, shkruante CONMRBOL.
Një prej mundësive është që Argjentina të jetë organizuese e vetme.
Tjetër mundësi është që Brazili të ofrojë ndihmën e saj për Argjentinën, por gjithçka do të varet nga gjendja me COVID-19 në të cilën ndodhen shtetet.
Copa America është e paraparë të fillojë më 13 qershor dhe të përfundojë më 10 korrik.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Hasani nis vizitën në Kroaci në takim me Plenkoviç, merr mbështetje për integrimin evropian
-
Asllani pas fitimit të titullit: Si tifoz i Interit nuk mund të kërkoj më shumë
-
Antony Blinken kundërshton pretendimet se Amerika po mban “standard të dyfishtë” për Izraelin
-
Goncharenko: Respekt për Kosovën, por ajo s’është çështja kryesore për Ukrainën