Teksa Kupa e Botës 2022 do të mbahet në Katar, ajo e 2026-s në SHBA – Kanada – Meksikë, ka ardhur radha e Kupës së Botës 2030 për t’u vendosur se ku do të organizohet.
Sipas “Calcio e Finanza”, e mbështetur edhe nga “The Athletic”, hipotezat për një organizim të mundshëm të Kupës së Botës 2030 midis Arabisë Saudie dhe Italisë po bëhen gjithnjë e më të vërteta.
Amerikania “The Athletic” raporton se Arabia Saudite ka kontaktuar me kompaninë “Boston Consulting” për të punuar mbi kandidaturën e saj për organizimin e Botërorit.
Kompania amerikane thuhet se i ka sugjeruar Arabisë bashkëpunimin me një shtet të madh, në mënyrë që të merrej sa më shumë në konsideratë nga FIFA kandidatura e saj.
Hipotezë ishte dhe bashkëpunimi mes Arabisë, Egjiptit dhe Marokut, por për shumë arsye si ato sigurie dhe ekonomike, ajo mbeti në plan të dytë.
Si rezultat sytë e Arabisë u hodhën nga Evropa dhe Italia. Dy vendet kanë bashkëpunim në futboll dhe madje Superkupa e Italisë do të mbahet në Arabi në muajin janar.
Mbretëria Saudie po kërkon të përdorë sportin si një mjet për të reklamuar imazhin e vendit në sytë e gjithë botës dhe këtë po e bën me futboll, Formula 1, boks etj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Rusia vendos veto ndaj rezolutës së OKB-së për monitorimin e sanksioneve ndaj Koresë së Veriut
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë