Kompania teknologjike “Apple” ka ndërprerë prodhimin e iPod më shumë se 20 vjet pas publikimit të tij të parë.
Pajisja më e fundit e riprodhuesit muzikor, iPod Touch, nuk është përditësuar që nga viti 2019 dhe shumë nga veçoritë e tij tani janë të disponueshme në produkte të tjera.
Apple njoftoi se do të vazhdojë të shesë Touch, gjenerata e vetme e iPod-it që është ende në shitje, “derisa të mbarojnë furnizimet”.
iPod u prodhua për herë të parë në vitin 2001 dhe ishte pajisja e parë MP3 e aftë për të ruajtur 1 mijë këngë.
Përveç Touch, versionet përfshinin iPod Mini, iPod Nano dhe iPod Shuffle.
Deri në vitin 2011, Apple zotëronte 70% të tregut global të pajisjeve MP3 dhe deri më sot janë shitur më shumë se 400 milionë iPod.
Kompania ndaloi shitjen e iPdo “Nano” dhe “Shuffle”, në 2017-ën dhe ekspertët e industrisë kishin parashikuar prej kohësh se “Touch” do të ndiqte të njëjtën rrugë, duke pasur parasysh përhapjen e iPhone dhe smartfonëve të tjerë që mund të përdoren për të dëgjuar muzikë.
Versionet e mëvonshme të Touch u ngjanin gjithnjë e më shumë smartfonëve, duke i lejuar përdoruesit të bënin foto, të dërgonin eMail-e dhe të bënin thirrje video.
Në një deklaratë, që njoftonte ndërprerjen, Greg Joswiak, nënkryetari i lartë i Apple për marketingun në mbarë botën, tha se “shpirti i iPod jeton”.
“Muzika ka qenë gjithmonë pjesë e bërthamës sonë në Apple dhe ofrimi i saj te qindra miliona përdorues në mënyrën se si iPod e bëri, ndikoi më shumë sesa thjesht tek industria e muzikës – ajo gjithashtu ripërcaktoi se si muzika zbulohet, dëgjohet dhe shpërndahet”, tha ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Xiaomi do të nxjerrë në treg automjetin e vet të parë elektrik
-
Makinat elektrike të prodhimit kinez do të zënë 25% të tregut evropian këtë vit
-
Ambiciet e sektorit të teknologjisë dhe inteligjencës artificiale nxisin investitorët
-
Përdoruesit e Instagram-it do të shohin më pak “përmbajtje politike” nëse nuk e zgjedhin
Lajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Rusia vendos veto ndaj rezolutës së OKB-së për monitorimin e sanksioneve ndaj Koresë së Veriut
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë