Guvernatori i Bankës Qendrore të Kinës ka sinjalizuar Ant Group mbi mundësinë e debutimit në tregun e aksioneve. Ant Group, pjesë e kompanisë Alibaba, kishte vendosur të futej në bursë në nëntor.
Rregullatorët kinezë pezulluan futjen e kompanisë në bursë. Banka Popullore e Kinës më vonë ndërmorri një hetim për Alibaba-n duke lëkundur pozitat e kompanisë në tregje .
Guvernatori i bankës, Yi Gang, ka njoftuar që aksionet në bursë të Ant Group mund të rishikohen në rrethanat e duhura.
Ant Group kishte vendosur të shiste aksione me vlerë rreth 34.4 miliardë dollarë para se të ndalohej nga autoritetet. Aksionet e Ant Group-it në bursat e Shanghai-t dhe Hong Kong-ut do të kishin qenë debutimi më i madh në tregjet e aksioneve.
Autoritetet kineze, përmes hetimeve po synojnë ta kthejnë në një kompani më të vogël, më pak mbizotëruese në treg dhe më të bindur ndaj rregulloreve shtetërore.
Rregullat anti-monopol që po aplikohen, rrezikojnë të prishin ekuilibrin e krijuar në tregjet e blerjeve online (e-commerce).
Ant Group është ofruesi më i madh i pagesave digjitale të Kinës, me më shumë se 730 milionë përdorues në muaj në Alipay.
Jack Ma, themeluesi i Alibaba-s shprehu pakënaqësinë ndaj qeverisë kineze në një konferencë të teknologjisë financiare në tetor. Ai kritikoi shtetin kinez për mungesën e inovacionit.
Sipas Yi-s, kompanitë e teknologjisë financiare kanë zgjeruar sistemin financiar të Kinës. Këto kompani i kanë dhënë më shumë mundësi huamarrësve më të vegjël.
Zhvillimet pozitive janë shoqëruar me rreziqe për informacionin, mbrojtjen e konsumatorit dhe tendenca monopolistike.
Rivali i Ant Group, Tencent ndërkohë është rritur në bursën e Hong Kongut.
Kompania iu afrua vlerës së tregut prej një trilion dollarësh në fillim të kësaj jave. Kjo ka kthyer themeluesin e Tencent, Pony Ma, në njeriun e dytë më të pasur në Kinë./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Samsung do të prodhojë gjeneratën e fundit të gjysmëpërçuesve në SHBA përpara TSMC-së
-
Sulmet kibernetike janë një kërcënim për stabilitetin financiar global, paralajmëron FMN
-
Grupet tajvaneze shqyrtojnë ngritjen e selive jashtë shtetit në rast sulmi
-
Trump Media u shpëtua në vitin 2022 nga ruso-amerikani nën hetim penal
Lajmet kryesore
-
BE dhe SHBA dënojnë dhunën në protestën para Bashkisë së Tiranës
-
FMN ul parashikimin për rritjen ekonomike të Shqipërisë këtë vit
-
Themelimi i Asociacionit është urgjencë, dështimi nënkupton pasoja, thotë BE në 11-vjetorin e marrëveshjes
-
Çitaku, Kurtit: Do mbahesh mend si Kryeministri i Autonomisë Politike për serbët e pjesës Veriore
