Anketa e DIHA-s: Problematike lufta kundër kriminalitetit e korrupsionit dhe transparenca me tenderat
Shoqata Gjermane e Industrisë dhe Tregtisë në Shqipëri (DIHA) ka prezantuar këtë të enjte të 25 majit rezultatet e anketimit për klimën e biznesit në Shqipëri.
Bledar Mankollari, drejtor Ekzekutiv i DIHA-s, ka bërë një prezantim të rezultateve, ku ka theksuar se problematike ngelen ende çështjet që lidhen me sigurinë ligjore, luftën kundër kriminalitetit dhe korrupsionit, si dhe transparenca e tenderave publike.
“Ka një ngritje domethënëse te negociatat për anëtarësim në BE. Kemi një rënie të arsimit akademik, por prapë qëndron në një nga 5 faktorët e mirëvlerësuar”, ka thënë ai.
Ai ka treguar se ka përmirësim të faktorëve të tjerë, por që qëndrojnë në nivele të ulëta, fleksibiliteti në tregun e punës, disponueshmëria në faktorin lokal, disiplina në paga, stabiliteti social dhe politik apo infrastruktura.
“Kemi rritje të lehtë, por qëndron në 5 të fundit, parashikueshmëria e politikave ekonomike, siguria ligjore, lufta kundër kriminalitetit, dhe korrupsionit, transparenca e tenderave publike, lufta ndaj informalitetit, qëndrojnë akoma faktorët problematikë sa i përket të të bërit biznes në Shqipëri”, ka ravijëzuar ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Prokuroria po e interviston Martin Berishajn, i dyshuar për afera korruptive dhe shpëlarje parash
-
Blerina Bala në krye të Himarës, Rama: Shumica e himariotëve nuk i përket llogores së konfliktit
-
Jeffrey Donaldson jep dorëheqjen si lider i Partisë Unioniste Demokratike
-
BE: Zbatim i plotë i Marrëveshjes Bazë, pavarësisht votimit të Serbisë në KiE