Anëtari i Gjykatës Kushtetuese, Altin Binaj është betuar para Presidentit Ilir Meta. Binaj u zgjodh para disa ditësh nga Kuvendi i Shqipërisë.
Kandidatura e tij i ishte dërguar Kuvendit nga Këshilli i Emërimeve në Drejtësi, duke e bërë Binajn anëtarin e pestë të Gjykatës Kushtetuese. Kjo gjykatë duhet të ketë në përbërjen e saj nëntë anëtarë, por mund të jetë funksionale me së paku gjashtë anëtarë.
Në ceremoninë solemne të betimit ishin të pranishëm Kryetari i Kuvendit të Shqipërisë, Sh. T. Z. Gramoz Ruçi, kryetarja në detyrë e Gjykatës Kushtetuese, Vitore Tusha, Avokatja e Popullit, Erinda Ballanca dhe drejtuesja e misionit OPDAT të Ambasadës së SHBA-së në Tiranë, Michelle Lakomy.
“Betohem se gjatë kryerjes së detyrave të mia do t’i qëndroj kurdoherë besnik Kushtetutës të Republikës së Shqipërisë”, – deklaroi Binaj gjatë betimit para presidentit Meta.
Nga ana e tij, Meta i uroi suksese anëtarit të ri të Gjykatës Kushtetuese në detyrën e tij të rëndësishme dhe me përgjegjësi të lartë./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Prokuroria po e interviston Martin Berishajn, i dyshuar për afera korruptive dhe shpëlarje parash
-
Beleri dhe Goro në burg – Blerina Bala komandohet drejtuese e re e bashkisë Himarë
-
Ekspozimi: Politikanët evropianë të së djathtës në listën e pagave të Putinit
-
Raportohet se BE po përgatit pozitë të re për Lajçak-un