Ekonomi

Anëtari i këshillit qeverisës së ECB: Pritet bum ekonomik


Tregjet e aksioneve në të gjithë botën po rriten. Ky fakt shton shpresat në rritje të rimëkëmbjes ekonomike. “Por, nuk do të thotë domosdoshmërisht se çmimet janë tepër të larta”, tha të dielën, anëtari i këshillit qeverisës të Bankës Qendrore Evropiane (ECB) dhe njëkohësisht  guvernatori i bankës qendrore holandeze, Klaas Knot.

“Ne patjetër shohim vlerësime të larta”, tha guvernatori në një intervistë në televizionin publik holandez.

“Tregjet e aksioneve mund t’i paraprijnë përhapjes së vaksinave dhe rihapjes së ekonomive. Ne mund të hyjmë në një bum ekonomik”.

Knot, paralajmëroi investitorët e vegjël që të mos bashkoheshin në tubimet e fundit në kompani të tilla si GameStop.

“Nëse kjo bëhet një garë midis individëve dhe investitorëve profesionistë, është e qartë se kush do të vuajë në fund: investitori i vogël”, tha ai.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore