Sergio Ramos, i ftuar në dy intervista, ka folur rreth gjërave të ndryshme.
Kjo e dyta në fakt qe me pyetje më pikante, pak më ndryshe nga ato që shohim zakonisht tek intervistat e futbollistëve.
Messi te Real Madrid?
– Do ta pranoja 100%, madje dhe do e ftoja në shtëpinë time për disa javë, që të ndihej i mirëseardhur.
Cristiano Ronaldo?
– Para finales në Kiev e dija që ai do të largohej. E kisha vënë re, thjesht nuk doja ta besoja dhe shpresoja që ai do ndryshonte mendim, por atë kohë ai kishte vendosur.
A të mungon Cristiano?
– Sigurisht. Por, siç ka humbur Real Madrid-i me largimin e Cristiano Ronaldo-s, ka humbur edhe vetë Cristiano Ronaldo.
Marrëdhënia me Hernandez Hernandez (gjyqtari në derbi)?
– Nuk kam marrëdhënie të mira me të, të gjithë e dinë. Mendoj që ishte penallti në derbi.
Kë do ta transferoje për Real Madrid-in, Mbappe apo Haaland?
– Të dy. Por nëse duhet të zgjedh njërin, atëherë Haaland është më lehtë për ne në aspektin ekonomik.
Nuk po them që Mbappe nuk është i mirë, por besoj që Haaland mund të jetë një numër nëntë i mirë për Real Madrid-in.
A do të luaje për Barcelonën?
– Kurrë. Për asnjë shifër. Ka gjëra që nuk mund të blihen me para, është e pamundur.
Partneri më i mirë në mbrojtje?
– Pique dhe Pepe. Për të gjithë trofetë që i kemi fituar bashkë. Unë dhe Pique nuk kishim nevojë të flisnim, thjesht shikonim njëri-tjetrin.
Gjithashtu Raphael Varane, jemi një dyshe e mrekullueshme, luajmë shumë mirë së bashku.
Pse e theva trofeun e Kupës së Mbretit (në vitin 2011)?
– Isha i entuziasmuar, trofeu ishte shumë i rëndë dhe autobusi ndaloi papritmas, dhe pastaj… të gjithë e dinë çfarë ndodhi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
