Ambasadori i BE-së në Beograd: Dialogu me Kosovën çështja kryesore për anëtarësimin e Serbisë në BE
Ambasadori i Bashkimit Evropian në Beograd, Sem Fabrizi, në një intervistë për Radio Televizionin e Serbisë, ka thënë se dialogu mes Kosovës dhe Serbisë është elementi thelbësor për anëtarësimin e shtetit serb në BE.
“Raundi i fundit i dialogut mund të ketë qenë më i vështiri nga të gjitha ato të vështirat. Të dyja palët duhet t’i përkushtohen dialogut. Dialogu është një element kryesor për stabilitetin rajonal dhe pranimin e Serbisë në Bashkimin Evropian. Ka interes të madh që ai të ketë sukses, dhe BE-ja është duke bërë të pamundurën që kjo të realizohet”, tha Fabrizi.
Ndër të tjera, Fabrizi tha se procesi i anëtarësimit në BE e bën më të lehtë mundësinë që Brukseli të angazhohet në Ballkanin Perëndimor, në mënyrë që gjithçka të jetë në përputhje me standardet evropiane.
Kurti pas takimit tha se i kishte propozuar Vuçiç-it një marrëveshje të paqes, por u refuzua pa u lexuar. Ndërkaq Vuçiç theksoi se dakordimi mes dy palëve ka qenë i pamundur të hënën.
Ndërkaq i angazhuari i Posaçëm për Dialogun Kosovë-Serbi, Mirosllav Lajçak, ka thënë se palët janë dakorduar për vazhdimin e raundit të ri të dialogut në shtator.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Dëshmitari i 56-të në Speciale dëshmon në seancë të mbyllur, gjykatësi kërkon që pyetjet të bëhen të thjeshta
-
Bie elika e ‘Moulin Rouge’
-
Ulutas pas vizitës në selinë e NATO-s: Është e mundur vetëm një zgjidhje politike që respekton të drejtat e të gjitha komuniteteve
-
Konfiskohen pesë armë zjarri në Zveçan
Lajmet kryesore
-
Rama ‘letër publike’ Ranuccit: Hodhët një tjetër hap fals, fatkeqësi që bëni krahasime me Kremlinin
-
Politico: Rreziku që vjen me zgjedhjen e Belerit si kandidat për zgjedhjet Evropiane
-
Lufta në Ukrainë: Amerika i jep fshehurazi Kievit raketa me rreze të gjatë veprimi
-
Bislimi e Petkoviç sërish në Bruksel për dinarin