Ligjvënësit e Dhomës së Përfaqësuesve akuzojnë Amazon-in se ka gënjyer Kongresin.
Ata duan që Departamenti i Drejtësisë të hetojë ‘sjelljet potencialisht kriminale” nga kompania dhe disa nga drejtuesit e saj.
“Amazon-i ka gënjyer përmes dëshmisë së një drejtuesi të lartë” se si kompania ka përdorur të dhënat që mbledh nga shitësit e palëve të treta.
Kështu është shkruar në një letër drejtuar Prokurorit të Përgjithshëm Merrick Garland, nga anëtarët e Komitetit Gjyqësor të Dhomës së Përfaqësuesve.
Më tej, ligjvënësit pretendojnë se kompania është “e angazhuar në një model dhe praktikë të sjelljes mashtruese”, e cila mund të ketë qenë një përpjekje “për të ndikuar ose penguar” hetimin.
Në letër ravijëzohet se do të ketë një shqyrtim më të gjerë në Amazon teksa ligjvënësit vazhdojnë të peshojnë një sërë faturash që synojnë konkurrencën në tregjet digjitale.
Gjithashtu sugjeron se kompania mund të përballet me më shumë probleme ligjore përtej atyre që lidhen drejtpërdrejt me praktikat e saj të biznesit.
Në vitin 2020, paneli antitrust i Komitetit Gjyqësor publikoi një raport historik që përmbledh rezultatet e hetimit të tij në Big Tech, duke gjetur se Amazon, Apple, Facebook dhe Google gëzojnë “fuqi monopol”.
Sipas ligjvënësve, Amazon-i është përpjekur të mbulojë gënjeshtrën duke ofruar shpjegime gjithnjë të ndryshme në lidhje me mënyrën se si i ka përdorur të dhënat e shitësve.
Po ashtu është përpjekur të dallojë se si praktika e vet mashtruese ka ndaluar përdorimin e të dhënave të shitësve individualë, ndërkohë që ende lejonte Amazon-in të përdorte të dhënat e shitësve në total.
Referuar letrës, hetimi ka gjetur prova që tregojnë se Amazon-i dyshohet se ka mbyllur një sy ndaj shkeljeve të përsëritura të politikës.
Marrë nga “CNN” dhe përshtatur për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
