Edhe pse albumi i ri i artistes britanike, Adele – “30”, ka pasur javën më të madhe të hapjes në krahasim me çdo album tjetër të publikuar në vitin 2021, ai ka shënuar rënie prej 75 për qindësh nga java e parë e albumit të fundit të këngëtares.
Ylli i hitit “Easy on me” ka publikuar së fundmi albumin “30” me të cilin ka emocionuar fansat dhe kritikët e muzikës, ndërsa u tha se që në javën e parë janë shitur 838 mijë kopje, kryesisht të CD-ve dhe të shkarkimeve në platformat zyrtare.
Ndarja e shitjeve ka arritur në 678 mijë e 782 në CD dhe shkarkime, teksa transmetimi llogaritet në 152 mijë e 690.
Por, sado që këto shifra cilësohen të larta, Adele, ka pësuar një rënie prej jo më pak se 3.8 milionë kopjesh krahasuar me shitjet e albumit “25” të publikuar në vitin 2015.
“25” pati shitur në vazhdimësi 18 milionë kopje gjatë gjithë vitit duke thyer kështu të gjitha rekordet e asaj kohe në industrinë e muzikës botërore.
Ndërkaq, ekspertët vlerësojnë se rënia mund të jetë për shkak të rënies së përgjithshme të shitjeve të albumeve në periudhën e fundit.
Kjo pasi që njerëzit tanimë po ecin me teknologjinë, kështu duke lënë anash CD dhe duke përdorur platformat virtuale të shkarkimeve.
Bazuar në të dhënat e MCR Data, shitjet e albumeve vetëm në Shtetet e Bashkuara të Amerikës në vitin 2007 ishin 507 milionë, ndërsa në vitin 2022, numri kishte rënë në 102 milionë sosh.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Kushtëzimi i BE-së për normalizim të raporteve me Kosovën, “s’mund ta shtyjë” Serbinë ta zbatojë Marrëveshjen Bazë
-
Si arriti Vjosa Osmani t’i fusë 4 gratë e përdhunuara gjatë luftës në Këshillin e Sigurimit përballë Vuçiç
-
Kush është shefi kur bëhet fjalë për mbrojtjen: NATO apo BE?
-
‘Marifeti’ i Bardhit ndaj Olsi Ramës – Prova pa kallëzim, për të shmangur procesin për shpifje
