Kryeministri i Republikës së Kosovës, Albin Kurti, e ka përgëzuar kandidatin për kancelar nga radhët e Partisë Sociale Demokrate (SPD), Olaf Scholz, me rastin e fitores së kësaj partie në zgjedhjet e përgjithshme në Gjermani.
Congratulations to @OlafScholz & @spdde! In a world facing immense challenges, your party's election victory is a strong signal for political progress, social democracy, and societal cohesion.
— Albin Kurti (@albinkurti) September 27, 2021
“Në një botë që përballet me sfida të mëdha, fitorja e partisë suaj në zgjedhje është një sinjal i fortë për përparim politik, demokraci sociale dhe kohezion shoqëror”, ka shkruar Kurti në një postim të publikuar në llogarinë e tij të Twitter.
Rezultatet paraprake të zgjedhjeve të mbajtura të dielën e 26 nëntorit të këtij viti, tregojnë se SPD-ja, ka siguruar 25.7% të votave, duke bërë që konservatorët e Angela Merkel-it, CDU/CSU të pozicionohen në vend të dytë me gjithsej 24.1% të votave.Ndërkaq, Partia e të Gjelbërve ka shënuar rezultatin më pozitiv në historinë e tyre politike në Gjermani, teksa u renditen të tretët me gjithsej 14.8% të votave.
Shifrat e publikuara deri më tani tregojnë se është jetike formimi i një koalicioni për krijim të ekzekutivit, ani pse, Scholz, ishte shprehur se ai dhe partia e tij kishin mandat të qartë qeverisjeje.
Bazuar në rezultatet preliminare, SPD ka fituar 206 ulëse në Bundestag, pasuar nga CDU/CSU me 196, të Gjelbrit 118 ulëse, Demokratët e Lirë FDP 92 sosh, Alternativa për Gjermaninë AfD 83 nga to, e majta 39 dhe SSW me vetëm një ulëse.
Ndërkohë, Kryeministri i Kosovës, Albin Kurti, të hënën e 27 shtatorit, ka pritur në takim homologun e tij shqiptar, Edi Ramën, ndërsa në një konferencë të përbashkët për media, ai ka theksuar sfidat në të cilat të dy kryeministrat i kanë marrë mandatet e reja për qeverisje.
“U dakorduam që ta kemi një sekretariat koordinues për marrëdhëniet tona bilaterale i cili do të udhëhiqet nga Gentian Sala, i cili ka dy pasaportat”, ka thënë Kurti.
“Mandatet e dy qeverive tona i kemi marrë në një kohë me përplot sfida, përballja me pandeminë me COVID-19, rimëkëmbja ekonomike dhe zhvillimi i institucioneve demokratike janë disa nga sfidat tona për të cilat do të angazhohemi së bashku”, ka shtuar ai.
Përtej sfidave, Kurti ka potencuar se të dy qeveritë kanë mundësi e potencial për të realizuar projektet, duke rritur bashkëpunimin.
“Do të punojmë së bashku që tregu të jetë sa më unik. Nëse ka vende që kjo duhet të bëhet sa më shpejt këto janë pikërisht Kosova e Shqipëria sepse jo vetëm që e njohim njëra tjetrën por edhe e kemi besimin e plotë te njëra tjetra”, u shpreh Kurti.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Parashikimi i motit, 29 mars 2024
-
Gjykata Ndërkombëtare e Drejtësisë ultimatum Izraelit: Lejo hyrjen e ndihmave humanitare në Gaza
-
Zbatimi i hartës së re gjyqësore, Manja pret në zyrë kryeprokurorin Çela dhe Llagamin
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë
Lajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Rusia vendos veto ndaj rezolutës së OKB-së për monitorimin e sanksioneve ndaj Koresë së Veriut
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë