Formula 1 e këtij viti është ndoshta më interesantja e dekadës së fundit.
Lufta për titull po zhvillohet mes dy pilotëve, Leëis Hamilton dhe Max Verstappen.
Aktualisht kampionatin e udhëheq holandezi i Red Bull, por jo shumë prapa është edhe shtatë herë kampioni i botës.
Në garën e fundit, në Silverstone, një aksident i ashpër mes dyshes ndodhi.
Me apo pa dashje, Hamilton u bë shkaktar që Max Verstappen të largohet nga gara me dëme të mëdha, por fatmirësisht pa lëndime.
Dëmtimi që morri makina e Max, do të kushtojë plot 1.3 milionë euro për t’u rregulluar, thotë shefi i Red Bull, Christian Horner.
Me limitin e shpenzimeve në 130 milionë euro këtë sezon, shifra e riparimeve në makinën e Max Verstappen do të jetë më shumë se 1% i totalit.
Këto shpenzime, mund t’i kushtojnë Red Bull-it shumë, duke ulur buxhetin me të cilin ata mund të përmirsojnë edhe më shumë performancën e makinës.
Honda, furnizuesi i motorit të Red Bull, e ka dërguar motorin në Japoni, për të investiguar dëmin që është shkaktuar.
Nëse ka probleme, Verstappen-it do t’i duhet një motor i ri.
Kaq herët në sezon, ky do të jetë një problem i madh për Verstappen, që po i afrohet shumë limitit edhe të motorëve që ai guxon të përdorë brenda një sezoni.
Me vetëm tetë pikë diferencë, gara është më e hapur se asnjëherë më parë, por dëmi që Hamilton i shkaktoi Verstappen-it, mund të ndryshojë shumëçka.
Nga tani, rivaliteti i dyshes, pritet të jetë edhe më i ashpër.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama i përgjigjet sërish Rai-t: Mos bini pre e gabimit të parë, mbylleni këtë faqe jo të lavdishme
-
Zgjedhjet në RMV, Osmani: Qytetarët kanë dy opsione – integrim apo izolim
-
Senati amerikan miraton projektligjin që mund të ndalojë TikTok-un
-
Raporti i “Freedom House”: Korrupsioni çështje serioze shqetësuese në Kosovë