
Masat e reja të Qeverisë për parandalimin e përhapjes së Coronavirusit, po konsiderohen si jo racionale në proporcion me gjendjen aktuale nga Aleanca Kosovare e Bizneseve të Kosovës.
“Kjo mbyllje do të ketë shumë pasoja dhe sipas parashikimeve tona, nga mbyllja e ekonomisë, vendi do të mund të pësojë një humbje rreth 120 milionë dhe kjo nuk do të mund të kompensohet asnjëherë me asnjë formë”.
Kështu ka thënë për Albanian Post, kryetari i AKB-së, Agim Shahini.
Sipas tij, Qeveria e vendit “do të duhej t’i rrisë masat preventive duke rritur kontrollin në vendet publike, duke ofruar shërbime dhe duke ofruar edhe formën e mbajtjes së distancës nën kontroll por jo mbylljes së ekonomisë”.
Tutje ai ka theksuar se ora policore dhe mbyllja e vendit në vitin e kaluar, ka lënë pasoja të mëdha të cilat “nuk janë mbuluar asnjëherë nga shteti dhe që sërish po përsëritet i njëjti skenar”, gjë që është forma më e rëndë për bizneset dhe ekonominë.
“Prandaj po kundërshtojmë masat aktuale”, ka thënë Shahini.
AKB-ja rekomandon institucionet e vendit që të rrisin masat parandaluese duke rritur kontrollin e duke ofruar shërbime shtesë për qytetarë.
“Qeveria tashmë i ka numrat e mjaftueshëm të prodhojë ligje që e mbështet dhe e rimëkëmb ekonominë, të jetë urë lidhëse në mes sektorit privat dhe fondeve financiare ndërkombëtare në mënyrë që ekonomia të rimëkëmbet dhe në këtë formë të tejkalohet kriza ekonomike e cila ishte edhe para pandemisë”, shtoi Shahini.
Të hënën, më pesë prill, rastet e shumta me COVID-19 kanë detyruar qeverinë të mblidhej dhe të shqyrtojë masa të reja kundër pandemisë.
Ministri i shëndetësisë, Arben Vitia në bashkëpunim me qeverinë, ka vendosur kufizimin e lëvizjes për qytetarët nga ora 22:00 deri në 5:00, përveç rasteve urgjente shëndetësore.
Po ashtu institucionet publike dhe private të arsimit para universitar do jenë online nga data 12 deri më 18 prill ndërsa ato universitare nga data 7 deri më 18 prill.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti takon bashkëkryetarin e SPD-së: Kosova vazhdon të jetë palë konstruktive në dialog
-
Erdogan: Të gjitha vlerat që kanë të bëjnë me njerëzimin po vriten
-
Arrestohet personi i katër për vrasjen e Liridona Ademajt, akuzohet për “shitje të paautorizuar të armëve”
-
Askund tjetër në botë – 45% e viktimave në Gaza janë fëmijë
Lajmet kryesore
-
“Autonomi dhe Federalizim” – Shqetësimet e Opozitës për draft-statutin e Asociacionit
-
BE-ja mirëpret dakordimin mes KEDS-it dhe “Elektroseverit”: Të zbatohen edhe marrëveshjet tjera
-
SHBA anashkalon rishikimin e Kongresit për shitjen urgjente të predhave të tankeve në Izrael
-
Partia Demokratike i jep mbështetje të pakushtëzuar SPAK-ut, thotë Basha