Afganistan/ Qëllohen për vdekje 3 gazetare

Tri gra që punon në një radio dhe stacion televiziv afgan u qëlluan për vdekje në qytetin lindor të Jalalabad-it.

Lajmi është bërë i ditur nga zyrtarët e qeverisë.

Zalmai Latifi, drejtor në Enikass TV, tha se gratë u vranë në dy sulme të ndara pasi u larguan nga stacioni.

Sulmet vijnë në mes të një vale vrasjesh që synojnë gazetarët, punonjësit e shoqërisë civile dhe punonjësit e nivelit të mesëm të qeverisë.

Kush qëndronte pas sulmeve?

Nuk ishte menjëherë e qartë se kush ishte prapa të shtënave dhe asnjë grup nuk mori menjëherë përgjegjësinë për sulmet.

Shefi i policisë së Nangarhar-it, Juma Gul Hemat tha se një i dyshuar i armatosur u mor në paraburgim pas sulmeve dhe se autoritetet ende po kërkonin të dyshuar të tjerë.

I dyshuari i ndaluar është një anëtar i Talebanëve.

Talebanët, të cilët nënshkruan një marrëveshje paqeje me SHBA-në vitin e kaluar dhe janë në bisedime me qeverinë afgane, mohuan përfshirjen.

Shteti Islamik (IS) gjithashtu ka një prani në provincën e Nangahar-it, kryeqyteti i së cilës është Jalalabad.

Grupi nuk ka komentuar mbi sulmin. Sidoqoftë, në dhjetor të vitit të kaluar, një bashkëpunëtor i IS-it mori përgjegjësinë për vrasjen e një anëtareje tjetër të stafit Enikass.

Sipas Organizatës së Kombeve të Bashkuara (OKB), Afganistani konsiderohet si një nga vendet më të rrezikshëm në botë për punëtorët e medias.

Të paktën 65 profesionistë të medias dhe aktivistë të të drejtave të njeriut janë vrarë në një seri vrasjesh të shënjestruara në të gjithë Afganistanin.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.