Shqipëria

Aeroporti i Kukësit me galeri kujtese për Luftën e Kosovës


Aeroporti i Kukësit “Zayed, flatrat e veriut”, do të ketë të integruar brenda edhe një galeri kujtese me çaste historike të Luftës Çlirimtare të Kosovës.

Aeroporti është i emërtuar “Zayed”, në nder të princit arab Zayed, i cili në vitin 1999, kishte hapur në Kukës kampin e refugjatëve.

Në pamjet e siguruara nga Albanian Post, shihet qartë një galeri e madhe me fotografi përshkrimore të luftës, ndër të cilat edhe momente prekëse të shqiptarëve të Kosovës, të përjetësuara në imazhe fotografike.

Momente historike si takimi Thaçi-Rugova apo ushtarëve të Ushtrisë Çlirimtare të Kosovës, janë pjesë e ekspozitorit.

Kukësi është qyteti shqiptar, i cili ka pritur numrin më të madh të refugjatëve kosovarë gjatë luftës me Serbinë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore