ACI Europe: Shqipëria dhe Kosova – të vetmet me performancë pozitive në aeroporte

Organi evropian i tregtisë së aeroporteve, ACI EUROPE, ka publikuar raportin e tij të trafikut ajror për tetorin e vitit 2021, duke zbuluar se performanca më e mirë erdhi nga aeroportet në Shqipëri (+7.1%), Kosovë (+4.1%).

Në shifra të përgjithshme raporti tregon përmirësim edhe në nivelet e trafikut të pasagjerëve.

Edhe pse kjo reflektohet me ritme të pabarabarta në vende të ndryshme.

Publikimi i ACI-së raporton se trafiku i pasagjerëve në rrjetin evropian të aeroporteve është ulur me –36,7% në tetor.

Kjo, krahasuar me të njëjtën periudhë para-pandemike (2019).

Ritmi brenda Evropës

Brenda zonës së Bashkimit Evropian, pati ndryshime të konsiderueshme në performancën e tregjeve kombëtare.

Raporti zbulon ndërkaq se aeroportet në Greqi (-16.3%), Qipro (-20.5%), Portugali (-27.4%) dhe Spanjë (-30%) shënuan uljen më të pakët të trafikut të pasagjerëve.

Arsyeja, sipas ACI-së, është përfitimi nga kërkesa e konsiderueshme deri në fund të sezonit veror.

Në anën tjetër të spektrit, aeroportet në Finlandë (-65.7%), Republikën Çeke (-60%), MB (-56%) dhe Suedi (-53.1%) shënuan performancën më të keqe.

Këto shtete, së bashku me Izraelin performuan më keq në të gjithë Evropën.

Raporti sqaron se kjo u reflektua pas kufizimeve të vazhdueshme ose të rivendosura të udhëtimit.

Zona e BE-së

Humbjet më të pakta të trafikut të pasagjerëve erdhën kryesisht nga aeroportet në zonën e BE-së (-41.2% në tetor, nga -48.1% në shtator).

Ndërsa aeroportet në zonën jashtë BE-së ende vijuan performancën pozitive gjatë tetorit (-17.4%).

Por, këto të fundit nuk panë përmirësim të trafikut të pasagjerëve në të njëjtën masë krahasuar me shtatorin (-20.8%).

Këto përmirësime u udhëhoqën të gjitha nga trafiku ndërkombëtar (kryesisht brenda-evropian) i pasagjerëve (-42.4% në tetor, nga -50.2% në shtator).

Në të kundërt, trafiku i pasagjerëve të brendshëm shënoi një rënie të lehtë gjatë muajit (-18,1%) krahasuar me atë të mëparshëm (-17,9%).

Në një koment bashkëngjitur raportit, Olivier Jankovec, Drejtori i Përgjithshëm i ACI-së deklaroi se progresi i rëndësishëm i bërë me vaksinat u përkthye në një performancë të përmirësuar për shumë aeroporte në tetor.

“Ky është një lajm i mirë – dhe rihapja e tregut transatlantik në nëntor vetëm sa e shtoi vrullin”, tha ai më tej.

Sipas Jankovec, kjo vjeshtë ka treguar se modelet e rimëkëmbjes së trafikut ndryshojnë ndjeshëm nga vendi në vend dhe madje edhe midis aeroporteve individuale.

“Mbi të gjitha, shfaqja e variantit Omicron gjatë javëve të fundit ka treguar se asgjë nuk mund të merret si e mirëqenë – dhe se rruga jonë e rimëkëmbjes mbetet e brishtë”, nënvizoi ai në përmbyllje.

Rikuperim i ngadaltë “për të mëdhatë”

Kufizimet e rrepta për udhëtimet përtej Evropës ishin ende normë në tetor.

Kjo ndikoi shumë në performancën e trafikut të aeroporteve më të mëdha evropiane në zonën e BE-së.

5 aeroportet kryesore evropiane (Mayors) në vitin 2019 dëshmuan një ulje të trafikut të pasagjerëve.

Heathrow i Londrës (-56.5%) ishte më i godituri, së bashku me Paris-CDG (-51.4%), Frankfurt (-47.2). %), Amsterdam-Schiphol (-41,8%).

Stambolli (-29.6%) regjistroi humbje shumë më të pakta të trafikut dhe mbeti aeroporti më i ngarkuar evropian në tetor.

Aeroporti i dytë më i ngarkuar evropian në tetor ishte Antalia (-7.2%), i ndjekur nga Amsterdam-Schiphol, Frankfurt dhe Moskë-Sheremetyevo (-23.7%).

Aeroportët e vegjël dhe sekondarë

Mbështetja e aeroporteve të vogla rajonale në trafikun e brendshëm dhe brenda-evropian i lejoi ato të kapnin nivele të konsiderueshme të kërkesës.

Këto të fundit regjistruan humbjet më të pakta të trafikut në tetor.

Aeroportet e kategorisë 4 (më pak se 5 milionë pasagjerë në vit) panë një rënie të trafikut të pasagjerëve me -22.8%.

Çuditërisht, një numër aeroportesh ishullore që shërbejnë destinacione të njohura turistike ia dolën të rikuperojnë plotësisht.

Madje, shumë prej tyre tejkaluan nivelet e tyre të trafikut të pasagjerëve para-pandemike.

Soçi (+70,7%), Calvi (+33,1%), Kerkira (Korfuz: +12,9%), Ajaccio ( +11.5%), Chania (+8%), Rodos (+6.7%), Paphos (+3.1%) dhe Funchal (+1.4%).

Në përgjithësi, kishte një variacion ekstrem në performancën e aeroporteve më të vogla rajonale.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.