Vetëm 24 orë kanë mjaftuar dhe nëntë persona kanë mbetur të vrarë e 27 të tjerë kanë mbetur të plagosur, pas tre sulmeve radhazi në Amerikë në tre qytete të ndryshme.
SHBA-të po tronditen përtej kufijve të imagjinueshëm nga ngjarje të këtilla kaq të rënda, ku theksi po vendoset më shumë se kurrë mbi ligjin e armëve dhe ndalimin potencial të tyre.
Fillimisht, nata e të shtunës pa tre të vrarë në një prej zonave më të populluara të Philadelphias.
Mëngjesi i të dielës më pas, në dy sulm të ndryshme në Tennessee dhe Michigan, pa gjashtë të vdekur dhe 17 të plagosur.
E gjithë kjo, pas situatës kaotike të muajit të shkuar, mbi të gjitha për sulmet në masë të ndodhura në Buffalo të New York-ut apo Uvalde të Texas-it.
Ngjarja në Philadelphia, fatmirësisht u ndalua të përshkallëzohej edhe më tej, pasi patrulla të Policisë ndodheshin në zonë dhe arritën të ndërhynin në kohë. Megjithatë, nuk u shmangën tre viktima dhe disa të plagosur.
Nga ana tjtër, ngjarja në Tennessee ndodhi pranë një klubi nate në Chattanooga, në orët e para të mëngjesit amerikan. Tre persona u vranë aty dhe 14 të tjerë u plagosën me plumba apo u dëmtuan përgjatë kaosit.
Ngjarja tjetër, pak minuta larg në distancë me atë në Tennessee, ndodhi në Michigan, kur në orën 2:30 të mëngjesit, u raportuan të shtëna në zonë dhe më pas dy burra një grua, u gjetën të vdekur.
Dy të plagosur të tjerë u plagosën dhe morën mjekimin e nevojshëm.
Në vetëm 24 orë kohë, SHBA-të panë sërish tre sulme të përgjakshme në rrugët e tyre.
Ajo çfarë po ndodh, nga të shumtë është cilësuar si një çmenduri më vete, teksa shteti i njohur si edhe më demokratiku në botë, po përballet me një sfidë të vërtetë mbi politikat që duhet të ndjekë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Koçiu: Projektligji për shëndetin riprodhues u hodh në konsultim publik, reflekton praktikat ndërkombëtare
-
Dilema e BE-së: A duhet t’ia heqë Kosovës “menjëherë” apo “gradualisht” sanksionet
-
Gërdeci/ Mediu kërkon ekspertim për shpërthimin, SHBA-të letërporosi për pyetjen e 5 amerikanëve
-
Si gënjeu publikisht e paturpësisht ministri Liburn Aliu
Lajmet kryesore
-
Si gënjeu publikisht e paturpësisht ministri Liburn Aliu
-
Raporti i Amnesty International për Kosovën: Reagimi i shtetit ndaj dhunës në familje është i pamjaftueshëm
-
PE-ja miraton planin prej 6 miliardë eurosh për Ballkanin Perëndimor
-
Raporti i Amnesty International për Shqipërinë: Gazetarët iu nënshtruan gjuhës së urrejtjes, sulmeve fizike dhe sulmeve me armë – Dhuna ndaj grave është problem