50 Cent, një prej rep-artistëve më të suksesshëm dhe të njohur, është duke mbajtur turneun e tij botëror “Green Light Gang” dhe aktualisht ndodhet në Evropë.
Gjatë një performance në një nga koncertet e tij, reperi amerikan ndalet për të bërë simbolin e shqiponjës dykrenare me duar.
Simbol ky që përdoret gjerësisht nga personazhe të njohur shqiptarë, të cilët festojnë sukseset e tyre me kryqëzimin e duarve, duke i treguar me krenari botës prejardhjen e tyre.
Reperi legjendar i Nju Jorkut, 50 Cent, kishte njoftuar një sërë datash turne që do ta çojnë atë në Mbretërinë e Bashkuar, Evropë dhe më gjerë.
Ky turne do të shfaqë një gamë të gjerë aktivitetesh, duke përfshirë edhe artistë të tjerë.
50 Cent, emri i vërtetë i të cilit është Curtis Jackson, ka publikuar gjithsej pesë albume solo gjatë karrierës së tij, të tillë si: “Get Rich Or Die Tryin”, “The Massacre”, “Curtis”, “Before I Self Destruct” dhe “Animal Ambicie”.
Karriera e tij ka qenë e ngarkuar me trofe dhe gjatë kësaj kohe, ai ka fituar një çmim “Grammy”, “13 Billboard Music Awards”, gjashtë “World Music Awards”, tre “American Music Awards” dhe katër “BET Awards”.
Përveç kësaj, ai ka shitur edhe mbi 30 milionë albume në mbarë botën.
@alb_baj
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nëna e Beyonce thotë se “Zendaya ia kujton të bijën”
-
Taylor Swift, pos “The Tortured Poets Department”, publikon edhe një album surprizë
-
Quentin Tarantino heq dorë nga “The Movie Critic”, supozohej të ishte filmi i fundit i tij
-
Lana Del Rey kritikon ish-menaxherin e saj të turneut që u dorëhoq “pa arsye” pas 15 vjetësh, një muaj para performancës së saj në “Coachella”
