Një 4-vjeçar u ribashkua me prindërit e tij shëndoshë e mirë, pasi rrëmbeu çelësat e nënës së tij dhe mori makinën e saj për një xhiro herët në mëngjes.
Ngjarja e pazakontë ka ndodhur në rrugët e Utrechtit në Holandë, ka raportuar policia, përcjell Albanian Post.
Djali, këmbëzbathur dhe me pizhame, u pa teksa endej në një rrugë në lagjen e qytetit në orët e para të mëngjesit të së shtunës nga kalimtarët, të cilët thirrën shërbimet e urgjencës, ka bërë të ditur forca e policisë së Utrechtit të Veriut në llogarinë zyrtare në Instagram.
Pas kontrolleve mjekësore nga ekipi i ndihmës së shpejtë, të cilët i dhuruan dhe një arush, fëmija u dërgua në stacionin më të afërt të policisë, ku i ofruan një filxhan me çokollatë të nxehtë, thuhet në postim.
Menjëherë pas kësaj, një patrullë policie raportoi për një makinë të braktisur në të njëjtën lagje, se u përplas me dy automjete të parkuara. Një telefonatë, drejtuar pronarit të regjistruar të makinës, zbuloi se ishte nëna e djalit.
“Ajo shpjegoi se djali i saj ishte ‘shumë sipërmarrës’. Ajo foli me fëmijën në telefon dhe ne e pamë atë të imitonte një përplasje dhe të bënte një lëvizje drejtuese me duart e tij. Kjo na bëri të dyshojmë se ai mund të ketë qenë duke vozitur”, vazhdoi postimi në Instagram.
Oficerët shoqëruan nënën dhe djalin e saj në makinën e braktisur, ku iu bashkua edhe babai i djalit.
“Në makinë, ne e pyetëm fëmijën nëse mund të na tregonte se si funksiononte”, ka thënë Policia e Utrecht.
“Ai hapi makinën dhe vendosi çelësin në ndezës. Ai ndezi makinën, lëvizi këmbën e tij të majtë dhe goditi gazin”.
Ata arritën në përfundimin se ai ishte “zgjuar herët kur babai i tij u largua për të shkuar në punë dhe vendosi të shkonte për një xhiro me makinë”.
Në postimin e policisë të titulluar “Zbulohet Max Verstappen i ri në Overvecht” – ata i referohen kampionit botëror belgo-holandez të Formula 1 të vitit 2021 – bënë të ditur se “aventura e këtij mini-djaloshi-vrapues përfundoi me një zhurmë”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Britania mbështet anëtarësimin e Kosovës në KiE, kërkon përparim në çështjen e Asociacionit
-
U mbyt në det teksa peshkonte para 2 muajsh, gjendet në brigjet e Kroacisë trupi i 40-vjeçarit
-
Këshilltari i Kurtit thotë se një shtëpi i kushton 12.5 euro
-
Pahor: Dialogu ka ngecur, kam një plan për ta shmangur ngërçin